NEHEMIA 12:24 - BIBEL JAMITA NA DENGGAN

²⁴ Dibagi-bagi do halak Levi marrombongan-rombongan, i ma na nipimpin ni si Hasabia, si Serebia, si Jesua, si Binui dohot si Kadmiel. Ganop mamuji Tuhan, dua rombongan ma na markarejo dohot na pasahat tarimakasi tuSia marsibalos-balosan, songon na niaturkon ni Raja Daud, naposo ni Debata i.

NEHEMIA 12:24 Referans Kwoze

NEHEMIA 9:4

Adong do dibaen disi podium baen di angka halak Levi jana jongjong ma di ginjangna i si Jesua, si Bani, si Kadmiel, si Banya, si Buni, si Serebya, si Bani dohot si Kenani. Martangiang ma halahi marsora na gogo tu Tuhan Debata ni halahi.

NEHEMIA 8:7

Dung salpu i jongjong ma halahi di ingananna be, lalu adong ma sanga na piga halak Levi na patorangkon Uhum i tu halahi, i ma si Jesua, si Bani, si Serebya, si Jamin, si Akub, si Sabetai, si Hodia, si Maaseya, si Kelita, si Asarya, si Josabad, si Hanan dohot si Pelaya.

ESRA 2:40

Angka horong Levi na mulak sian habuangan, i ma: Jesua dohot Kadmiel (pomparan ni si Hodawiya) – 74 Angka parende di Bagas Ni(pomparan ni si Asap) – 128 Panjago horbangan di Bagas Ni(pomparan ni si Salum si Ater, si Talmon, si Akub, si Hatita dohot si Sobai) – 139

2 JUJUR TAON 8:14

Hombar tu angka aturan na nibaen ni si Daud amangnia i, dibagi si Salomo ma karejo ari-ari ni angka malim dohot halak Levi na mangurupi angka malim di na mangkarejohon dohot na mangendehon puji-pujian. Songon i muse angka pangawal ni Bagas Ni Tuhan i, dibagi ia do i marrombongan-rombongan di ganop pintu horbangan, hombar tu na niaturkon ni si Daud naposo ni Debata i.

1 RAJA-RAJA 17:24

Dialusi na mabalu i ma, “Saonnari tangkas ma huboto, naposo ni Debata do ho amang jana tutu do mangkobari Tuhan markite-hite ho amang.”

JOSUA 14:6

Sanoli ro ma angka halak na sian Marga Juda mandapotkon si Josua di Gilgal. Sada sian halahi, i ma si Kaleb anak ni si Jefunne na sian Marga Kenisi. Didok si Kaleb ma tu si Josua, “Josua! Diboto ho do sanga aha na nidok ni Tuhan di Kades-Barnea tu si Musa, suruan ni Debata i, salaho tu ho dohot tu au.

PANGARATAION 33:1

Painte so marujung ngolu ni si Musa, utusan ni Debata i, dipasupasu ia ma marga-marga ni bangso Israel, dohot hata on:

2 TIMOTEUS 3:17

Mardongan Buku Na Badia i dipasingkop do sadenggan-dengganna sanga ise na mangoloi Debata di sude ragam ni parkarejoan na denggan.

1 TIMOTEUS 6:11

Tapi anggo ho, halak ni Debata do ho, jadi angkon mandao do ho sian i sudena. Parayak ma anso halak na bonar ho di parnidaan ni Debata, jana na mangoloi tu Debata boti na porsaya tu Kristus, na marholong ni roha, sobar dohot marlambok ni roha.

NEHEMIA 12:23

Tapi anggo salaho tu angka kapala ripe ni horong Levi hum intap ni hatiha ni si Jonatan pahompu ni si Elyasib do na adong tarsurat.

NEHEMIA 12:36

Mardalan ma di pudinia angka na sian horongnia, i ma; si Semaya, si Asareel, si Milalai, si Gilalai, si Maai, si Netaneel, si Juda dohot si Hanani. Maroban alat-alat musik do halahi sude, sarupa tu na nipake ni Raja Daud, naposo ni Debata i. Malim Esra Ahli Uhum Ni Debata i ma mardalan di jolo ni barisan i.

1 JUJUR TAON 16:4

Diangkat si Daud ma piga-piga halak sian halak Levi laho mamimpin ibadat maradopkon Tuhan, Debata ni Israel di jolo ni Poti Parjanjian i, mardongan ende dohot puji-pujian.