NEHEMIA 12:1 - BIBEL JAMITA NA DENGGAN

¹ Angka on ma malim dohot halak Levi na mulak sian habuangan rap dohot si Zerubabel anak ni si Sealtiel dohot Malim Godang Jesua, si Seraya, si Jeremia, si Esra.

NEHEMIA 12:1 Referans Kwoze

ZAKARIA 6:11

Baen ma sada tuku sian sere dohot perak na nihaulkon ni halahi i jana papakehon ma i tu ulu ni Malim Godang Josua anak ni si Josadak.

HAGAI 2:2

dokkon ma tu si Zerubabel anak ni si Sealtiel, na mamarenta Juda dohot tu Malim Godang Josua anak ni si Josadak dohot tu sude bangso i songon on,

HAGAI 1:14

Jadi disungguli Tuhan ma tondi ni si Zerubabel, anak ni si Sealtiel pangarajai ni Juda dohot tondi ni Malim Godang Josua, anak ni si Josadak maradu sude tondi ni bangso i, gabe marroan ma halahi mangaradoti karejo di bagas ni Tuhan Na Markuaso, Debata ni halahi i.

HAGAI 1:12

Dung i ditangihon si Zerubabel, anak ni si Sealtiel dohot Malim Godang Josua, anak ni si Josadak maradu sude halak Israel ma sora ni Tuhan Debata ni halahi, ditangihon muse dohot hata ni Panurirang Hagai, hombar tu sora ni Tuhan Debata ni halahi tusia, jadi mabiar ma bangso i maradopkon Tuhan.

HAGAI 1:1

Di taon paduahon dung bangkit Raja Darius, di ari parjolo di bulan paonomkon, ro ma hata ni Tuhan marhite Panurirang Hagai. Tu si Zerubabel, anak ni si Sealtiel pangarajai di Juda, dohot tu Malim Godang Josua anak ni si Josadak, na mandok,

NEHEMIA 12:10

On ma parjojor ni tarombo ni Malim Godang Jesua: Jesua, Joyakim, Elyasib, Joyada,

NEHEMIA 7:7

Angka pamimpin ni halahi, i ma si Zerubabel, si Jesua, si Nehemia, si Asarya, si Raamya, si Nahamani, si Mordehai, si Bilsan, si Misperet, si Bigwai, si Nehum, dohot si Baana.

ESRA 5:2

Umbege tona ni panurirang na dua i, manigor dipungka si Zerubabel anak ni si Sealtiel ma dohot si Josua anak ni si Zosadak mangulahi mambangun Bagas Ni Tuhan na di Jerusalem, diurupi panurirang sidua halak i.

ESRA 4:2

Jadi gabe didapotkon halahi ma si Zerubabel dohot angka kapala ripe ni horong-horong, lalu diusulkon halahi ma, “Paloas hamu ma hami dohot mambangun Bagas Paribadatan i, harana hami pe na mangoloi tu Debatamunu i do, laing songon hamu ale angka dongan. Sai tongtong do hami pasahatkon haul tuSia mamungka sian na nioban ni si Esarhadon raja ni Asur hami tuson.”

ESRA 3:8

Jadi di bulan dua, di taon paduahon dung mulak halak Israel mangulahi tu Jerusalem, dipungka halahi ma mambangun Bagas Ni Tuhan mangulahi. Dohot do markarejo si Zerubabel, si Josua dohot angka dongan ni halahi sabangso, angka malim, halak Levi, pendekna sude halak na tarbuang i hian. Angka halak Levi na marumur dua pulu taon tu ginjang, i ma ditontuhon laho manguluhon parkarejoan di na mambangun Bagas Ni Tuhan i.

ESRA 3:2

dung i dibangun si Jesua anak ni si Jehosadak dohot angka donganna dohot si Zerubabel anak ni si Sealtiel maradu kahanggina ma langgatan ni Debata ni Israel. Jadi hara ni i, tarbaen halahi ma manutung haul di ginjangna i, domu tu angka panogu-noguon na tarsurat di bagasan Buku Uhum Ni si Musa, naposo ni Debata.

NEHEMIA 11:36

Deba sian rombongan ni halak Levi na maringanan humani di tano Juda, disuru do maringanan rap dohot angka halak Benyamin.

NEHEMIA 12:2

Angka malim: Si Seraya, si Jeremia, si Esra, si Amarya, si Maluk, si Hatus, si Sekanya, si Rehum, si Meremot, si Ido, si Ginetoi, si Abia, si Miyamin, si Maaja, si Bilga, si Semaya, si Joyarib, si Jedaya, si Salu, si Amok, si Hilkia dohot si Jedaya. Angka halahi ma na gabe malim kapala di hatiha ni si Jesua.