NEHEMIA 1:9 - BIBEL JAMITA NA DENGGAN

⁹ Tapi muda mulak hami mangulahi tu Ho jana hami oloi parentaMu, jadi palagutonMu ma hami mangulahi na dung dipaserakMi haru pe hami di angka ujung ni portibi on. Dung i paulahonMu ma hami tu inganan na dung ditodoMi gabe inganan maribadat tu Ho.

NEHEMIA 1:9 Referans Kwoze

JEREMIA 32:37

PalagutonKu ma bangso on sian sude luat inganan parserahan ni halahi hara ni muruk ni rohangKu dohot rimasKu tu halahi. ObanonKu ma halahi mangulahi mulak tu inganan on jana Hubaen aman halahi maringanan di luat on.

MATEUS 24:31

Dipalu ma tarompet na godang, suruon ni Anak Ni Jolma i ma angka surusuruanNia tu panjuru na opat i di tano on palagutkon bangsoNia, sian topi ni langit na sada lalu tu topi ni langit na sada nari.”

JEREMIA 12:15

Tapi dung Huparuar halahi, haholonganKu ma halahi, obanonku ma ganop bangso tu tanona be.

JESAYA 56:8

Madung marjanji Tuhan Debata na dung pataruhon Israel bangsoNa i mulak sian habuangan, obanonNia muse do angka bangso na asing anso marsada dohot halahi.

MASMUR 147:2

Mulak ma suang Jerusalem baenon ni Tuhan, obanonNia noma mulak angka halak na tarbuang.

ESRA 6:12

Debata na mamili Jerusalem i gabe inganan parsombaan tuSia, sai dipusa Ia ma ganop raja sanga bangso na barani mangalanggar parenta on dohot na mancubo mangaroncohon Bagas Ni Tuhan na di Jerusalem i. Au si Darius, au do na mangalehen parentaon. Padalan ma i sadenggan-dengganna.”

PANGARATAION 12:5

Sian sude luat na masuk tu angka marga ni Israel, pilion ni Tuhan ma sada inganan maribadat di bangsonta anso tarbaen hita ro tu adopan ni Tuhan laho manyomba Ia.

JEHESKIEL 36:24

Sian ganop bangso dohot luat, palagutonKu ma hamu jana paulahonKu tu tanomu sandiri.

JEREMIA 31:10

Didok Tuhan do, “Tangihon hamu ma ale angka bangso! Palalu ma tonangKu tu bariba ni laut: BangsongKu na dung Hupaserakkon giot palagutonKu jana pasari-sarionKu songon parmahan na manjago biri-birina.

JESAYA 11:12

PajongjongonNia ma sada mandera laho patandahon tu angka bangso bahaso na nipalagutNia mangulahi bangso Israel dohot Juda na marserak i di na opat mata angin jana maroban halahi mulak.

MASMUR 106:47

Palua ma hami, ale Tuhan Debatanami, sian tonga-tonga ni angka bangso i oban ma hami mangulaki anso tarbaen hami mandok tarimakasi dohot mamuji goarMu na tongam i.

1 RAJA-RAJA 9:3

Didokkon Tuhan ma tu si Salomo, “Madung Hubege tangiangmu, jana rap dohot on Hupatangkas ma, bahaso bagas na dung nipajongjongmon gabe inganan na mardohonan ma on salolot-lolotna muda giot manyomba Au. Huparate-atehon jana Hujagohon pe inganan on.

JEREMIA 3:14

“O hamu bangso na so setia, mulak ma hamu tu Au! Au do nampuna hamu. BuatonKu noma hamu, sahalak sian ganop kota, dua halak sian ganop partubu, jana obanonKu hamu mangulahi tu Dolok Sion.

1 JUJUR TAON 16:35

Dok ma, “O ale Debata na palua hami, palua jana palagut ma hami mangulahi. Palua ma hami ale Debata, sian rante ni angka bangso panjaja! Pujionnami ma goarMu na badia i, hum tu Ho sajo do sidohononnami tarimakasi.”

PANGARATAION 12:21

Muda madao tu umpamana inganan paribadatan na sada i, tola ma hamu sanga na sadihari manyambol sada sian lombu sanga biri-biri na dung dilehen ni Tuhan di hamu, jana juhutna i pe tola ma panganonmunu di bagas, songon na dung hudok tu hamu.

MASMUR 107:3

Dipalagut Ia sian angka luat, sian Habincaran dohot sian Hasundutan, sian Utara dohot sian Selatan.

JESAYA 27:12

Di hatiha i, palaguton ni Tuhan ma bangsoNia i pasada-sada sian Batang aek Efrat lopus tu batas ni Mesir. SirangonNia ma halahi songon pamiari ni halak di eme sian lapungna.

JEREMIA 6:22

Songon on ma didok Tuhan, “Satutuna, giot ro ma sada bangso sian Utara, sada bangso na godang hobas sian suhi ni tano on.

JEHESKIEL 14:6

Laing paboa muse ma tu halak Israel bahaso Au Tuhan Debata mandok tu halahi, ‘Pauba ma rohamunu sian angka dosamunu jana tadingkon hamu ma angka gana-ganaanmunu sihagigian i.’

HAMALIMON 26:3

Muda marpungu hamu mangihutkon angka aturan na sian Au jana dipatulus angka parentangKu,

PANGARATAION 30:1

“Saonnari bolas ma pilionmunu pasupasu sanga bura. Muda dung tarjadi sudena i tu dirimunu, jana maringanan di tonga-tonga ni angka bangso na asing hamu di inganan parserahanmunu dibaen Tuhan, tarsingot ma hamu di sipilion na hulehen tu hamu.

ZAKARIA 8:7

Songon on do hata ni Tuhan Na Markuaso, “Ligi ma, paluaonKu ma bangsongKi sian tano Habincaran dohot sian tano Hasundutan ni mata di ari,