NEHEMIA 1:1 - BIBEL JAMITA NA DENGGAN

¹ On ma lapuran ni si Nehemia anak ni si Hakalya salaho tu angka na nibaennia. Di bulan Kislev taon padua puluhon mamarenta si Artahsasta gabe raja di Persia, au, si Nehemia topet do di Susan, kota sabungan ni harajaan i.

NEHEMIA 1:1 Referans Kwoze

ZAKARIA 7:1

Di tanggal opat bulan Kislew, i ma di bulan sambilan, taon paopatkon hatiha mamarenta Raja Darius, dilehen Tuhan ma tu au mangulahi parentaNia.

NEHEMIA 10:1

Na parjolo manekenna, i ma Gubernur Nehemia anak ni si Hakalya. Dung i diihutkon si Zedekia. Dung i ihutma angka halak na mangihut on jojor muse maneken:

ESTER 1:2

Di hatiha i, i ma hatiha mamarenta Raja Ahasweros di habangsa harajaonnia di kota Susan.

DANIEL 8:2

Di bagasan parnidaan i di propinsi Elam do au, di Susan, kota sabungan ni Persia. Jongjong au di lambung ni Batang aek Ulai,

ESTER 3:15

Tibu ma markehean angka suruan na pataruhon surat i tu sude propinsi ni harajaan i. Diparentahon raja i ma anso laing dipabotohon barita i di Susan, kota sabungan ni Persia. Dung salpu i juguk-juguk ma si Haman dohot raja i minum anggur, tapi anggo kota Susan ma pola gaor patunda ni barita i.

NEHEMIA 2:1

Sanoli, dung opat bulan, i ma di bulan Nisan, dompak hatiha mangan Kesar Artahsasta, huparade ma anggur disia, bohingku songon na sego. Na so unjung dope songon na sego bohingku anggo di adopan ni raja i songon na sadari i.

ESRA 10:9

Dung tolu ari di tanggal dua pulu bulan sambilan, sude halaklahi na maringanan di tano Juda dohot Benyamin marroan ma tu Jerusalem jana marlagut di alaman ni Bagas Ni Tuhan. Ro ma udan na gogo situtu di hatiha i. Humitir ma sude halak hara ni ngalina ari i dohot hara ni pentingna parpunguan i.

NEHEMIA 5:14

“Madung gabe gubernur ni Juda au dua bolas taon honokna, mamungka ma i sian taon paduapuluhon lalu tu taon patolupuluhon mamarenta Raja Artahsasta. Salolot ni i, nada jungada hubuat dohot angka kahanggingku gajingku songon gubernur.