NAHUM 3:7 - BIBEL JAMITA NA DENGGAN

⁷ Mandao ma sanga ise na mangaligi ho jana dokkononna, ‘Ninive hum tading rompak-rompakna noma! Ise ma na dohot marsak dongannia? Nada adong na ra mangalehen apo-apo tusia.’ ”

NAHUM 3:7 Referans Kwoze

JEREMIA 15:5

Didok Tuhan do, “O hamu halak Jerusalem, ise ma he maribo roha tu hamu? Ise ma he na marsak rap dohot hamu? Ise ma na ra maradian manyapai na masa tu hamu?

JESAYA 51:19

Dua ragam parmaraan na manondong ho; ise ma na dohot marsiluluton maradopkon ho? Hasusude dohot hasesego, tangkuraparon dohot podang ise ma na giot mangapoi ho?

HALUMBAAN 18:10

Jana jongjong ma halahi sian na dao hara ni biar ni roha di parkancitan i, jana didok halahi ma, “Marjaya; marjaya ma kota na godang i – kota Babel na gogo! Di bagasan sajom do ro panguhumanmu!”

ANDUNG 2:13

O ale Jerusalem, na ni haholongan, aha ma dohononku tu ho? Bia ma baenonku mangapuli ho? Nada adong dope jungada manaon na songon on. Nada marbatas hamamagomu songon laut na bidang, nada adong be si arophononmu.

JEREMIA 51:9

Marsipandohonan ma halak sileban na maringanan disi na sada tu donganna, ‘Madung hita usahahon mangurupi Babel, hape nada tolap hita! Gumonan noma morot hita sian luat on jana marmulahan be ma hita tutanonta be. Na niuhum ni Tuhan do Babel sagogona, jana dironcohon Ia sudena.’ ”

BILANGAN 16:34

Sude halak Israel na marnida i mangaluahon dirina umbege angguk ni halahi. Didok halak Israel i ma, “Maporus ma hita, ulang-ulang dibondut tano i muse hita.”

NAHUM 1:1

On ma tona ni Debata taringot tu Ninive. Marhite parnidaan do dipaboa tona i, i ma na dilehen tu si Nahum, sada halak panurirang sian Elkos.

JEREMIA 50:18

Hara ni i, Au Tuhan Na Markuaso, Debata ni Israel, uhumanKu ma Raja Nebukadnesar dohot luatnia i laing songon panguhumingKu di raja Asur.

ZEPANYA 2:13

Dung salpui pakeon ni Tuhan ma kuasoNia laho mangaropukkon Asur. Jana baenonNia Ninive gabe halongonan, gariang songon parhorsihan.