NAHUM 3:10 - BIBEL JAMITA NA DENGGAN

¹⁰ Haru songon i pe, laing dioban do Tebe tu habuangan. Di sude sirpang ni dalan dibalbali do angka anakna lopus marmatean. Angka halak na godang na disi, ditambat dohot rante jana dibagi-bagi angka na manangkup i.

NAHUM 3:10 Referans Kwoze

JESAYA 20:4

Tabanon ni raja Asur ma angka jolma sian luat na dua i jana na giot iringon ma halahi marsae mara. Na tobang dohot na poso, mardalan ma sudena i so marpakean dohot na so marsolop, tarida pantatna i, laho palayaskon Mesir.

OBAJA 1:11

Jongjong ho di na dao, di ari pangarorak ni musu di pintu ni Jerusalem laho manaluhon kota i. Hohom sajo do ho di na nioban ni halahi sude sinadongan ni Jerusalem jana dibagi-bagi sudena i di halahi. Sarupa do jahatmu dohot musu i.

JOEL 3:3

Marundi ma halahi laho manontuhon sanga ise na patut dapotan angka na tartangkup. Digadis halahi do angka bujing-bujing dohot doli-doli baenon gabe hatoban. Jana dipake halahi ma hepengna i tu dadaboru panggampang dohot minum anggur.

ANDUNG 2:19

Pupu hamu ma tarsunggul sasaborngin laho marsurak mangido ibo ni roha ni Tuhan i. Usehon na di rohamu taringot tu dakdanakmu na malean jana na marompasan di sude pangeldohan ni dalan.

JESAYA 13:16

Idaon ni halahi sandiri ma angka dakdanak ni halahi na menek-menek i diropuk, bagas ni halahi hona harpus dohot angka daboru ni halahi dipaksa marmainan.”

AMOS 1:13

Didok Tuhan, “Marpupu do mardosa halak Amon, hara ni i angkon hona uhum halahi baenonKu. Di na marporang halahi laho pabidang tano ni halahi, dilapa halahi do angka ina na denggan pamatangna di Gilead.

ANDUNG 4:1

Sere na marlinang i ma pola mondap madung marserak di dalan i angka batu ni Bagas Ni Debata.

JESAYA 13:6

Mangandungi ma hamu, angke madung donok ari ni Tuhan i. Di ari i, paroon ni Tuhan Na Gumincat i ma hamagoan.

MASMUR 137:8

Segohonon noma ho, ale Babel hara ni na sai mangasa gogo do giotmu. Martua ma sanga ise na mamalos tu ho hajahatan na nibaenmu tu hami.

2 RAJA-RAJA 8:12

“Biasi tangis tuan i?” ning si Hasael manyapai. “Angke huboto do hajahatan na giot baenonmu tu halak Israel,” ning si Elisa. “Giot surbuonmu ma angka kotana na martembok, bunuonmu ma angka halak na poso na jumogi, pingkohanmu ma angka dakdanak na baru sorang jana bolaanmu ma butuha ni angka ina na denggan pamatangna.”

JOB 6:27

Salang bagian na so marama pe laing dirohai ho, dikilang ho dohot ale-alemu anso tibu makayo ho.

MASMUR 137:9

Martua ma sanga ise na mambuati angka dakdanakmu jana na manyampakkonsa tu dolok batu.

MASMUR 149:8

laho mangihoti angka raja-raja, dohot mangarante angka parkuasona;

JESAYA 19:4

PasahatonKu ma Mesir tu tangan ni sada raja na jungkat na giot mamarenta halahi mamake hakejamon. Au Tuhan Na Markuaso do mandok i.”

JEHESKIEL 29:7

Taran marpangunsadean halahi tu ho maponggol do ho lalu masuk tu gidik-gidik ni halahi, gabe tarsilpok tanggurung ni halahi.