NAHUM 2:13 - BIBEL JAMITA NA DENGGAN

¹³ “Musumu do Au,” ninna Tuhan Na Markuaso i, “TutunganKu ma sude angka karetamu lopus abis. Marmatean ma angka tentaramu di bagasan parporangan, jana pambuatanKu ma sandok na nipambuatanmu sian halak na asing. Nada habegean be angka tuntutan ni suruanmu.”

NAHUM 2:13 Referans Kwoze

NAHUM 3:5

Didok Tuhan Na Markuaso i ma, “Ligi da Au noma gabe alomu, sintakonKu ma ujung ni abitmi lopus tu bohimu jana giot patidahonon ma hahailamu tu angka bangso dohot dongan magodangmu tu angka harajaan.

JEREMIA 21:13

Satutuna gabe alomu ma Au, o kota na di ginjang ni rura, dolok batu di adaran; Au Tuhan mandok songon i, o hamu na mandok: Ise ma he na puluk ro tu hami jana ise ma he na puluk masuk tu inganannami?

MASMUR 46:9

Diantak Ia do parporangan di tano on sudena, diropuk Ia angka parkokas ni porang jana ditutungi Ia.

2 RAJA-RAJA 19:23

Ditongos ho ma utusan laho mambual bahaso na nipatundukmu angka dolok na humincat di Libanon marhite sude kareta porangmi. Naginjang ma rohamu bahaso na nitabamu angka bona ni sampinur na gumincat dohot na jumeges jeges jana dibolusi ho angka haranganna na gumodang.

NAHUM 3:1

Marjaya ma kota na gok pamunuon! Gok gabus do sude, na gok dohot panyamun, dohot panangkupon na so mar na so!

JEHESKIEL 5:8

Jadi, Au Tuhan Debata mandok, bahaso musumu do Au. UhumanKu ma ho di adopan ni angka bangso.

2 RAJA-RAJA 19:9

Madung tarboto tu halak Asur i na dung dipardalanan tentara ni Mesir na nipimpin ni si Tirhaka raja ni Sudan ro laho mamorangi halahi. Umbege i, ditongos raja Asur ma surat tu si Hiskia raja ni Juda.

JOSUA 11:9

Dipatulus si Josua do tu halahi na niparentahon ni Tuhan: Dipangpangi si Josua ma tentara ni halahi na markudo i jana ditutungi ia angka kareta porang ni halahi i.

NAHUM 3:12

Sandok bentengmi, gabe songon bona ni hayu ara na ramos marbatu jana malamun. Muda dihutur bonana i, marurus ma batuna i tu pamangan ni jolma na manghutur i.

JEHESKIEL 39:1

Didok Tuhan Debata i ma, “Ale jolma parsantongkinan, gorahon ma si Gog, raja godang na sian Luat Mesekh dohot Tubal, jana paboa ma tusia, musunia do Au.

JEHESKIEL 38:3

Dokkon ma tusia Au do Tuhan Debata, musunia do Au.

JEHESKIEL 35:3

Palalu ma tu halak luat i sanga aha na Hudok: ‘Musumu noma Au ale halak na maringanan di partoran Edom! Giot baenonKu tanomu gabe mamolngit.

JEHESKIEL 29:10

gabe musumu ma Au, dohot musu ni Batang aek Nilmi. BaenonKu ma sude Mesir gabe tano na lungun mamungka sian Migdol di Utara lalu tu Siene di Selatan, saginjang ni angka batas tu parbalokan ni tano Etiopia.

JEHESKIEL 29:3

Jana dohononmu ma: Songon on do hata ni Tuhan Debata, “Ligi ma, musumu do Au ale Raja Parao, raja ni Mesir, buaya na godang i na manggompang di tonga-tonga ni batang aek, na mandok: Au do nampuna Batang aek Nil jana au do mambaen i.

JEHESKIEL 28:22

Palalu ma tu halak kota i, Au Tuhan Debata mandok tu halahi, ‘Musumu do Au, ale Sidon. Pujion ni halak ma Au hara ni pambaenanKu tu ho. Di na Huuhumi halak na mangingani ho, botoon ni halahi ma Au do Tuhan Na Badia jana na magigi tu sude na jahat.

JEHESKIEL 26:3

Didok Tuhan Debata i ma, “Au ma musumu, ale Tirus! ObanonKu ma bahat bangso laho mamorangi ho, jana parro ni halahi songon ombak ni laut.

JEREMIA 51:25

O ale Babel, tudos tu dolok do ho na mangaroncohon sude portibi on. Tapi Au Tuhan giot mangalo ho. TarihonKu ma ho jana Hupabalik jana Hupadiar puntung gabe tiranggong.

JEREMIA 50:31

Babel, maginjangtu do rohamu! Hara ni i, Au Tuhan Debata Na Markuaso, mangalo ho. Madung hatihana uhumanKu ho.

2 JUJUR TAON 32:19

Dihatahon halahi ma taringot tu Debata na disomba di Jerusalem dos do i dohot angka debata ni bangso na asing, i ma angka patung na nipauli ni tangan ni jolma.

2 RAJA-RAJA 18:19

Didok sahalak parpangkat ni Asur i ma tu halahi, “Pasahat hamu ma tu Raja Hiskia hata ni raja Asur on: ‘Biasi, songon halak na gogo ho dihilala ho?

2 RAJA-RAJA 18:17

Tapi laing disuru raja Asur dope sian Lakis sada pasukan sibahat-bahat laho mamorangi Jerusalem. Pasukan i na nipimpin ni tolu halak soridadu, i ma panglima parhobas ni siinumon dohot kapala pangawal ni raja. Lalu ma halahi tu kota i jana diingani halahi ma dalan na margoar Ladang Panyucian di lambung ni undung-undung hapuasan ni aek na sian tobat parginjang.

JOSUA 11:6

Didok Tuhan ma tu si Josua, “Ulang ho mabiar mida halahi. Ancogot laing songon on hatihana, ma pola Hubunu halahi sude hara ni Israel. Angkon mapangpang do baenonmu tentara ni halahi na markudo i, jana angka kareta porangna i angkon purunonmu.”

JEREMIA 46:14

“Di angka kota ni Mesir, i ma di Memphis, Migdol dohot di Tahpanhes, pabotohon ma barita on, ‘Markobas ma hamu laho martahan, angke sude sinadonganmunu abiskonon noma i di parporangan!

JEHESKIEL 21:3

Au Tuhan mandok songon on, ‘Musumu do Au. SintahonKu ma podangKu jana bunuonKu hamu sude, na jahat dohot na burju.

NAHUM 2:12

Najolo disi hian ma singa manjomak soroanna, jana marsuragehon di boru-boruna dohot di anakna. Di gohi ia asarnia sibak-sibak ni juhut ni soroanna.

NAHUM 3:15

Sanga aha pe na nibaenmu, nada adong guna ni i, angke laing na mate mosok noma ho sanga mate di bagasan porang. Sude ma ho songon suan-suanan di ladang na dingatngat ni siapor. Madung sopar ho songon siapor!