NAHUM 2:10 - BIBEL JAMITA NA DENGGAN

¹⁰ Gariang, hagariangon dohot parkancitan! Hancit ate-ate hara ni jorbutna. Humitir totna hara ni galena. Bohi i langan hara ni biarna.

NAHUM 2:10 Referans Kwoze

MASMUR 22:14

Abis ma sude gogongku, songon aek na durus tu tano, martalgangan sude holi-holingki, ate-ate i pe malala songon lilin na hona api.

JOEL 2:6

Muda mandonok halahi, sude halak mabiar, sude tompana langan jana lombam.

DANIEL 5:6

Gabe rata lombam ma ia jana mabiar situtu jabat humitir totnia i.

JEREMIA 30:6

Uji hamu ma jolo mamikiri dohot pamanatkon! Tarbaen ma he halaklahi manubuhon dakdanak? Antong anggo songon i, biasi Huida ganop halaklahi marbohi na langan boti jana maniop butuhana dohot tanganna songon dadaboru na giot manubuhon anakna?

JESAYA 24:1

Segohonon ni Tuhan ma tano on, lopus gabe harsang jana mamolngit. Margaba-gobi ma baenonNia sisik ni tano on jana sarsarkononNia noma na manginganisa.

JESAYA 21:3

Patunda ni parnidaan i gabe mabiar jana hancitan ma au songon dadaboru na topet manubuhon dakdanak.

ZEPANYA 3:6

“Ma pola bahat angka bangso na mago Hubaen; Huroncohon angka tugu ni halahi na gincat i, Husegoi dalanna lopus nada adong be pamolus, madung dipagariang kota ni halahi nada adong be pangisina.”

NAHUM 3:7

Mandao ma sanga ise na mangaligi ho jana dokkononna, ‘Ninive hum tading rompak-rompakna noma! Ise ma na dohot marsak dongannia? Nada adong na ra mangalehen apo-apo tusia.’ ”

JEREMIA 51:62

Dung salpu i martangiang ma ho songon on, ‘Tuhan, madung didokkon Ho, anggo inganan on na giot sarsarkononMu do lopus mago sude jolma bope pahan-pahanan, jana gabe songon padang halongonan inganan on sapanjangna.’

JESAYA 14:23

Gabe ambar noma Babel baenonKu baen inganan ni sipauk. Ias ma haisonKu Babel. Tuhan Na Markuaso do Au, na dung mandok i.”

JOSUA 2:11

Disi hami bege barita i, gabe sun ma biarnami. Ma pola mago habaranion nami hara ni hamu. Debata ni langit dohot tano do anggo Tuhan Debatamunu.

PAMUNGKAAN 1:2

Nada marrumang dope sudena i jana mamolngit do pangalahona. Laut bidang na margalumbang na mangalingkup sasudena boti golap bulita, jana manggulot ma Tondi Ni Debata di ginjang ni aek i.

JOSUA 7:5

Dikojar angka halak na sian Ai do halahi sian horbangan ni kota Ai sadao-daona lalu hona bunu sian halahi adong tolu pulu onom halak di rereng ni dolok. Jadi gabe mabiar ma angka halak Israel jana gamang.

JEREMIA 8:21

Magopu rohangku hara ni hancit ni nyae ni bangsongku, marsak jana mandele rohangku.

JEREMIA 49:23

On ma na nidok ni Tuhan salaho tu Damaskus, “Sak be roha ni halak Hamat dohot Arpad jana busisa hara ni na umbege barita na jat. Marsak be roha ni halahi jana dumaol-daol songon ombak ni laut.

JEHESKIEL 21:7

Muda disapai halahi sanga hara ni aha umbaen na mangangguhi ho, dokkon ma na marsak ho hara ni barita na giot ro. Barita na mambaen mabiar roha ni halahi, gale tangan ni halahi jana humitir dugul ni halahi hara ni na mandele. Tutu do na dung dapot hatihana jana tarjadi do sudena i. Au Tuhan Debata madung mandok songon i.”

JEHESKIEL 31:15

Songon on do pandok ni Tuhan Debata i, “Muda dung manuat hayu i tu inganan ni halak na dung mate, suruonKu ma aek na di toru ni tano i mangalingkup ia tanda ni siluluton. TembohonKu pardalan ni batang aek jana sumpolonKu angka batang aek. Dibaen na dung mate do hayu i, paroonKu ma hagolapan tu ginjang ni angka Dolok Libanon jana malos baenonKu sude hayu na di harangan i.

NAHUM 2:2

Satutuna do na giot pasuangon ni Tuhan hagodangan ni si Jakob songon hagodangan ni Israel, anso mulak songon najolo taran so dirampas angka musu.)