NAHUM 1:8 - BIBEL JAMITA NA DENGGAN

⁸ jana patariparhon halahi dompak ro banjir. Abiskonon ma sude halak na ro mangalo Ia, jana ayakonNia ma musuNia tu bagasan hagolapan.

NAHUM 1:8 Referans Kwoze

JEHESKIEL 13:13

Didok Tuhan Debata i ma, “Di bagasan rimasKu, paroonKu ma halingsungsung, udan potir dohot ambolas laho mangaloha tembok i.

JESAYA 28:17

Hatigoran do tali panyuhat ni ojahan i jana hajujuron do tali pandodona.” Paison ni ambolas ma ias sude gabus na gabe sitioponmunu i. Ayupon ni aek magodang ma inganan parlindunganmunu i.

JESAYA 8:22

sanga tu tano, umpe bagi aha idaon ni halahi asing sian hasusaan dohot hagolapan maradu haholomon na mandondoni, jana tu inganan na songon i ma halahi ditogu.

ZEPANYA 2:13

Dung salpui pakeon ni Tuhan ma kuasoNia laho mangaropukkon Asur. Jana baenonNia Ninive gabe halongonan, gariang songon parhorsihan.

AMOS 8:8

Nada he humutur ma tano on hara ni i, jana sude rayat marsiluluton? Nada he humuntal ma sude na i songon Batang aek Nil, dipartunggalbalikkon jana surut songon Batang aek Mesir?”

MATEUS 8:12

Hape anggo na patut hian gabe parsidohot di Harajaan i, ambungkononkon ma tu hagolapan di balian. Tangis-tangis ma halahi disi jana patungaripon.”

MATEUS 7:27

Muda ro udan, magodang ma aek, ro muse ma alogo na gogo manondong bagas i, marumpak ma bagas i. Hebat sajo ma hasegoanna.”

NAHUM 2:8

Mangambur be masarsar rayat ni Ninive songon aek na mabulak sian gadu-gadu na matolbak. Tarbege ma na marsurak, “Maradian! Maradian!” hape nada adong na ra ro mangulahi.

NAHUM 1:1

On ma tona ni Debata taringot tu Ninive. Marhite parnidaan do dipaboa tona i, i ma na dilehen tu si Nahum, sada halak panurirang sian Elkos.

DANIEL 11:40

Muda marayak marujung ma kuaso ni raja Siria i, ro ma raja ni Mesir mamorangi ia. Jadi baloson ni raja ni Siria ma parangan i lopus marujung. Padohotonnia ma bahat kareta porang, kudo, dohot kapal. Mangaroro ma ia songon aek magodang jana solatonna bahat luat.

DANIEL 11:22

Sude tentara na ro angkon diayup do dijolona jana dipatalu, jana dohot muse do sahalak Parjanjian.

DANIEL 9:26

Di ujung ni hatiha i hona bunu ma pamimpin na nitodo ni Debata i, hape nada adong nian salania. Jadi ro ma tentara ni sada raja na gogo, sego-segoonnia ma kota Jerusalem dohot Bagas Ni Tuhan i. Ro ma hatiha parujungan i songon aek na magodang na maroban porang dohot hasegoan, laing songon na nisangkapkon ni Debata.

JEREMIA 13:16

Angkon parsangaponmu do Tuhan Debatamu taran so diparo Ia hagolapan, taran so tartuktuk patmunu di angka dolok, jana na torang na niarop ni rohamu digonti Ia gabe hagolapan.

PODA 4:19

Sabalikna, anggo dalan ni halak na jahat golap do songon golap ni borngin. Tinggang ma halahi nada dibotosa sanga hara ni aha.

JOB 30:15

Na jorbut noma manggohi rohangku, songon pangombus ni alogo, salpu ma argangku na mangolu i; songon ombun na mamolus, mago ma sian au moga ni roha i.

DANIEL 11:10

Jadi marhobas ma angka anak ni raja ni Siria laho marporang dohot mambaen tentara na bahat. Maju ma sada sian halahi margalusak songon aek magodang torus mamorangi benteng ni musu.

JOB 40:11

Tatap ma sanga ise halahi na ginjang marroha; palalu ma muruk ni rohamu jana baen ma halahi maila.

JESAYA 13:9

Na giot ro ma ari ni Tuhan i, jana di ari i palaluon ni Tuhan i ma hagusaronNa dohot muruk ni rohaNa na tarlobi. Gabe halongonan ma portibi on, jana mago ma sanga ise halak pardosa.

JESAYA 13:10

Ganop bintang dohot baris-baris ni bintang i mantak ma marsinondang, manggolap ma mataniari di habibincarna, jana bulan pe nada marsinondang be.

JESAYA 28:2

Suruhonon ni Tuhan ma sada halak na gogo jana na barani laho mamorangi halahi. Parronia songon alogo halingsungsung na mardongan ambolas, songon udan potir dohot banjir godang na mangayup dohot na mambaen bonom tano darat.

JEREMIA 51:64

lalu dok ma hatana, ‘Songon on ma na giot tarjadi tu Babel. Bonom ma luat on jana nada mulgap be hara ni parmaraan na nitimpalkon ni Tuhan tusi. Olat ni on ma hata ni si Jeremia.’ ”

1 SAMUEL 2:9

Halak na tigor do na sai sonang di bagasan pangaramotion ni Tuhan. Tapi anggo na jahat sai na sarsar do i mago di bagasan hagolapan na marimpot-impot. Gogona sandiri so tarpangasahon, so tarlehen gogo ni jolma hamonangan.

JESAYA 28:18

Soadahonon ma parjanjianmunu dohot hamatean, jadi muda ro parmaraan, hona noma hamu.