NAHUM 1:15 - BIBEL JAMITA NA DENGGAN

¹⁵ Ligi da, ro do sada suruan mamolus sian angka dolok, maroban jamita na denggan, barita hamonangan. Ale bangso Juda, pestahon ma ari pestamu jana haulkon ma haulmu tu Debata. Nada rajaan ni parjahat be tanomu. Ma pola sude halahi diabiskon.

NAHUM 1:15 Referans Kwoze

JESAYA 52:7

Dengganna i antong haroro ni sioban barita, mamolus angka dolok ia mardalan. Dioban ia barita na denggan dohot barita haluaan, ning ia, “O Sion, Debatamu do Raja!”

SURAT NI SI PAULUS TU PARLAGUTAN ROM 10:15

Tapi songon dia ma he halahi manjamitahon, muda nada disuru? Songon na tarsurat i, “Denggan na i haroro ni sioban Barita Na Denggan i!”

BAENON NI ANGKA RASUL 10:36

Hamu ale angka dongan, tontu madung diboto hamu isi ni jamita na nipabolkas ni Debata tu halak Israel. Jamita Na Denggan do barita i na paboahon dame markite-hite Jesus Kristus, i ma Tuhan ni sude jolma.

LUKAS 2:10

Tapi didok surusuruan i ma, “Ulang hamu mabiar! Angke na maroban barita na denggan do au di hamu, barita na pajopkon roha ni sude bangso.

LUKAS 2:14

“Hasangapan ma di Debata na di ginjang, dame ma di tano on di angka jolma halomoan i!”

JOEL 3:17

“Ale Israel, saonnari botoonmunu, Au do Tuhan Debatamunu. Di Sion do Au maringanan i ma dolokKu Na Badia i. Gabe kota na badia noma Jerusalem, nada be taluhonon ni halak na asing kota i.

JESAYA 52:1

Jonggor ma, jonggor ma! Pake ma gogomu songon pakean ale Sion, pake ma pakean hamuliaonmi, ale Jerusalem kota na badia! Harana umpe sahalak na so disunat sanga na hodar nangkon masuk be tu ho.

MASMUR 107:15

Patut ma da antong halahi mandok tarimakasi, dibaen tongtong halahi dihaholongi Tuhan, dipatupa Ia di halahi angka hahomangan.

MASMUR 107:8

Patut ma da antong halahi mandok tarimakasi dibaen sai holong roha ni Tuhan di halahi, dipatupa Ia angka hahomangan di halahi.

HAMALIMON 23:4

Di hatiha na dung ditontuhon angkon umumkononkon do angka ari pesta on.”

HAMALIMON 23:2

angka aturan on taringot tu Ari Pesta Ugamo. “Di angka ari i angkon marlagut halak Israel laho pasangapkon Au.

NAHUM 1:14

On ma haputusan ni Tuhan maradopkon Asur, “Nada marpomparan be halahi laho paudut sundut ni bangsona. RoncohononKu ma angka patung ni gana-ganaan na adong di angka bagas pamelean ni debata ni halahi. Hatiha manghuar kuburan ma Au di bangso Asur, angke nada patut be halahi mangolu!”

JESAYA 41:27

Au do na parjolo paboahon barita i tu Sion; Husuru do suruanKu paboahon barita na denggan tu Jerusalem.

JESAYA 42:11

Puji ma Debata, ale parhorsihan dohot angka kota, pujion ni halak Kedar ma nian goarNia. Sian puncut ni dolok, na mangingani kota Sela marsurak marolop-olop marjop ni roha.