NAHUM 1:14 - BIBEL JAMITA NA DENGGAN

¹⁴ On ma haputusan ni Tuhan maradopkon Asur, “Nada marpomparan be halahi laho paudut sundut ni bangsona. RoncohononKu ma angka patung ni gana-ganaan na adong di angka bagas pamelean ni debata ni halahi. Hatiha manghuar kuburan ma Au di bangso Asur, angke nada patut be halahi mangolu!”

NAHUM 1:14 Referans Kwoze

MASMUR 109:13

Sai dirampas hamatean i ma sude pomparanna, jana dihalupahon sundut na mangihut goarna.

MIKA 5:13

RumpakkononKu ma angka patung ni debata boru-boru Asera na adong di tanomu, jana Huroncohon angka kotamunu.

PODA 10:7

Marrumang pasupasu do halak na burju diparningotan, tapi halak na jahat ompot do dihalupahon.

2 RAJA-RAJA 19:37

Sanoli hatiha maribadat ia di bagasan pamelean ni Debata Nisroh, dibunu si Adramelek dohot si Sareser anaknia ma ia dohot podang. Dung i kehe ma halahi maporus tu Luat Ararat. Gabe si Esarhadon anaknia na asing ma gabe raja manggonti ia.

DANIEL 11:21

Didok surusuruan i muse ma tu au, “Raja na mangihut mamarenta di Siria i ma sada halak na jahat na so patut gabe raja. Tapi ro do ia sian na so pamotoan jana dirampas ia ma harajaan sian raja i marhite sipaoto-oto.

JEREMIA 50:2

“Paboa ma barita tu angka bangso! Pasar ma barita i. Baen ma tanda anso sar barita i. Ulang tabuni-tabunihon barita i. Madung hona taban Babel! Madung maila Debata Bel, madung tarsonggot Marduk! Madung maila angka gana-ganaan i.

JESAYA 33:13

Padiar ma sude halak na dao dohot na donok mambege taringot tu pambaenanKu jana mangokui kuasongKu.”

JESAYA 19:1

On ma tona salaho tu Mesir. Ro do Tuhan tu Mesir manengget ombun na hipas. Humitir ma angka gana-ganaan ni Mesir di joloNia jana menek ma roha ni halak Mesir marnidasa.

MASMUR 71:3

Sai Ho ma parlindungan na sonang di au dohot partahanan na togu; tu Ho do au marlindung dohot martahan, jadi gabe horas torkis ma au.

2 JUJUR TAON 32:21

Jadi disuru Tuhan ma sada surusuruan mamatehon angka parajurit dohot angka perwira ni Asur i. Jadi ila sajo ma roha ni raja ni Asur i mulak tu tanonia. Sanoli dompak di bagasan bagas ni debatania i ia, ro ma sanga na piga halak sian angka anaknia sandiri mamunu ia dohot podang.

1 SAMUEL 3:13

Na dung Hupaboa do tusia na giot uhumanKu horongnia sapanjangna hara ni na dipalayas ni anaknia Au. Diboto si Eli do pangalaho ni halahi, hape nada dimuruhi ia halahi.

HAMALIMON 26:30

RoncohononKu ma inganan parsombaanmunu, angka na di tor, Hurumpakkon angka langgatan inganan panutungan ni hamonyan jana Hupardanggurkon angka bangkemunu tu angka gana-ganaan na marumpak i. Hara ni pangkilalaan na magigi.

HARURUAR 12:12

Di borngin i bolusanKu ma sude tano Mesir, jana bunuonKu ma sude anak halaklahi siangkaan, bope di jolma bope di pahan-pahanan. UhumanKu ma sude sombaon na di Mesir, angke Au do Tuhan.

JOB 18:17

Nada adong be na manandasa di kota dohot di balian; umpe sahalak be na marningot di goarna.

MIKA 5:14

Di bagasan panggasa-gasa ni murukKu, baloskononKu ma hajahatan ni sandok bangso na so marpangoloion tu Au.”

HABAKUK 2:10

Hape nian na mangalapi hahaila tu dongan sabagasmu sajo do na nibaenmi. Manjalak tu rugimu sandiri do ho di na nisamunmu angka bangso.

DANIEL 5:27

Tekel; astuanna madung ditimbang raja i jana dapot ma na panayangtu.