MIKA 7:14 - BIBEL JAMITA NA DENGGAN

¹⁴ Ale Tuhan, parmahani ma bangsoMi, bangso na nitodoMi. Pinjil do halahi maringanan di harangan, ditonga-tonga ni tano na napu. Padiar ma halahi manjampal di padang-padang ni Basan dohot di Gilead songon na jolo i.

MIKA 7:14 Referans Kwoze

MIKA 5:4

jana ia do hadameon i. Muda ro tentara ni Asur mamorangi tanonta on dohot mangarumpakkon partahananta, pabangkitonta ma pitu halak parmahan mangalaho halahi, bope sanga salapan halak pamimpin ni jolma.

JESAYA 49:10

Nada malean halahi sanga manguas, alogo na milas dohot mataniari na mamilngas pe nada hona tu halahi, Au na manghaholongi halahi, sai mandongani, jana tu angka mual na gok aek toguonKu halahi.

AMOS 9:11

Didok Tuhan ma, “Dapot do i arina pasuangonKu na masa di halak Israel anso mulak gabe songon di hatiha ni Raja Daud mamarenta. Saonnari songon bagas na marumpak do halahi. Tapi padengganonKu mangulahi lopus gabe songon na salpu i.

JESAYA 40:11

Songon parmahan, disarihon Ia do na niparmahanNia, jana dipalagut Ia angka anak ni biri-biriNia; diabing Ia do halahi di tanganNia, lambok do ditogu Ia induk ni biri-biriNia.

JESAYA 37:24

Ditongos ho ma suruanmu mamburas, na dung nitaluhonmu marhite sude kareta porangmi angka dolok pargincat na di Libanon. Manggodang ma ho mandok na dung ditaba ho angka bona ni sampinur na gumincat dohot na jumegesna disi, jana dibolusi ho angka harangan godang na tumobangna i.

MASMUR 100:3

Ingot ma anggo Tuhan i, Debata do Ia do manompa hita jana nampunaNia do hita, bangsoNia do hita, bangso na nipature-tureNia.

MASMUR 95:7

Angke Ia do antong Debatanta, bangso na niparmahananNia do hita, songon biri-biri na nitogu-toguNia. Jadi saonnari tangihon ma soraNia:

MASMUR 28:9

Palua ma Tuhan, bangsoMi pasupasu ma sanga ise halak na gabe nampunaMi. Ho ma na gabe songon parmahan di halahi, jana jagohon ma halahi salolot-lolotna.

JOHANNES 17:16

Nada portibi on nampuna Au, laing songon i dohot halahi; nada portibi on nampuna halahi.

MATEUS 2:6

‘Anggo ho ale Betlehem na di Luat Juda, inda bagi na ummenek ho sian angka kota na tarbonggal di Juda. Angke sian ho do ro sahalak Uluan, na manguluhon bangsongKu Israel.’ ”

MALEAKI 3:4

Jadi gabe sonang ma roha ni Tuhan baenon ni angka haul na nihaulkon ni halak Juda dohot Jerusalem maradopkon Tuhan laing songon sinajoloan.

ZEPANYA 3:13

Halak Israel na malua i, nada mambaen jahat be sanga na tu ise pe; nada margabus be halahi jana nada paoto-otohon. Sonang ma halahi jana dame, jana nada mabiar sanga na tu ise pe.”

ANDUNG 5:21

Ale Tuhan, oban ma hami mulak tu Ho; giot mulak do hami tu Ho! Pasuang ma hami songon di hatiha najolo.

JESAYA 65:10

jana marsomba tu Au. Biri-biri dohot lombu ni halahi manjampali ma di Napa Saron dohot di Rura Akhor.

JESAYA 35:2

Parhorsihan martumburi maradu manyarmak, marhujingjang marlogu na riang-riang. Songon Dolok Libanon jegesna, tudos tu Rura Karmel dohot Saron parnapuna. Gabe tatapon ni halak ma sudena kuaso ni Tuhan dohot hagodangan ni Debatanta.

MASMUR 143:5

Taringot ma di rohangku angka ari na salpu; hupasari-sari sude pambaenanMu, hupahusor-husor di bagasan rohangku sude na nipatupaMu.

PANGARATAION 33:28

Mardame ma ngolu ni pomparan ni si Jakob i, sonang di tano na jogi gandum dohot aek ni anggur marlobi-lobian mangaehi tanona pe ombun na sian langit an.

BILANGAN 23:9

Sian angka dolok na gincat, tarida ma bangso i. Sian puncut ni angka tor, huida halahi. Diboto halahi do na nipasupasu halahi so adong bangso na asing mangalobi i.

HARURUAR 33:16

Sian dia ma antong parbinotona bahaso na lomo rohaMu di bangsoMon dohot tu au anggo na so dongananMu hami? Nada he hara ni na rap do Ho dohot hami umbaen na markoti bangsoMi sian angka bangso na asing di tano on?”

ANDUNG 1:7

Tarsingot ma Jerusalem tu hatihana najolo, taran bahat dope disia hamuliaan; lalu mardangol ma ia boti maronco. Songon i taran madabu ia tu tangan ni musuna, jana sahalak pe nada adong na ro mangurupisa. Martata-tata sajo ma angka musunia paida-ida parrumpaknia.

HAMALIMON 27:32

Sada sian sampulu pahan-pahanan, Tuhan do nampuna i. Muda dietong pahan-pahanan i, ganop na pasampuluhon, Tuhan do nampuna i.

ENDE NA GODANG 4:1

Na uli di au, na sumurung ma antong jogi ni rupamu, di balik ni panutupi ni matamu torang do holong ni roha. Obukmu manortori songon pahan-pahanan sahulanan; na manuat di angka dolok ni Gilead.

JEREMIA 49:31

‘Beta ma maju! Tole ma taroro angka jolma na mandok aman dirina jana sonang. Nada adong ambat-ambat ni kota ni halahi, angke nada adong horbanganna jana goruk-gorukna pe nada adong.’ ”

JEHESKIEL 36:11

TambaanKu ma halak dohot pahan-pahananmu, lopus bahat sajo, umbahat sian di mulana i, jana marpinompari halahi bahat-bahat. Dos ma halahi mangolu songon di mulana i jana sonang baenonKu songon na so unjung dihilala hamu. Jadi gabe botoon ni halahi ma Au do Tuhan.

BILANGAN 32:1

Angka Marga Ruben dohot Gad, bahat situtu do pahan-pahananna. Dung diida halahi denggan ni tano Jaeser dohot tano Gilead panjampalan ni pahan-pahanan,

JESAYA 27:13

Paluon ma di hatiha i sarune laho marpio sude halak Israel na hona buang di Asur dohot di Mesir. Ro ma halahi tu Jerusalem marsomba tu Tuhan di dolokNa na badia.

OBAJA 1:19

Inganan ni halak Juda na di Selatan ma Edom. Taluhonon ni angka halak na sian partoran na di Hasundutan ma Luat Pilistin. Inganan ni Marga Benyamin ma Gilead jana rajaan ni bangsongKu Israel ma sude Efraim dohot Samaria.

ZAKARIA 10:10

Sian Mesir dohot Asur marmulahan noma halahi. BaenonKu halahi maringanan di tanona sandiri. ObanonKu halahi tu Gilead dohot sian Libanon bage, lopus gohan ni halahi luat i sude.

ZAKARIA 11:7

Diupai angka toke biri-biri do au laho marmahan angka biri-biri na giot sambolon. Adong do dua tungkotku; sada hugoari “Habasaon” jana na sada nari hugoari “Ihot-ihot”. Dung i hupungka ma manjago dohot pauli-ulihon biri-biri i.