MIKA 7:13 - BIBEL JAMITA NA DENGGAN

¹³ Tapi anggo tano on gabe gariang noma hara ni hajahatan ni halak na manginganisa.

MIKA 7:13 Referans Kwoze

JEREMIA 25:11

PadiaronKu do sude luat on sego jana gabe lobu; mangoloi tu raja Babel ma angka bangso na humaliang pitu pulu taon honokna.

JEREMIA 17:10

Au do Tuhan na mandodo roha; Huuji do ate-ate ni jolma. BaloskononKu do tu ganop hombar tu pangalahona; jana Hubaen hombar tu pambaenanna.”

MIKA 6:13

Saonnari pungkaonKu ma mamotuk dohot manyarsarkon hamu hara ni angka dosamunu i.

MIKA 3:12

Hara ni hajahatanmi, pangkuran noma Sion songon ladang. Jerusalem gabe timbunan ni angka batu, jana dolok ni Bagas Na Badia gabe gasgas.

JEREMIA 32:19

Sumurung do angka sangkapMu jana hahomangan do angka pambaenanMu; diida Ho do sude pambaenan ni jolma, jana dibalos Ho do tu halahi hombar tu pambaenan ni halahi.

JEREMIA 21:14

Tapi uhumanKu ma ho patunda ni parbuatanmu. SurbuonKu ma bagas godangmi, jana puntung muse ma sandok na adong di Humaliangna. Au Tuhan, madung mandok songon i.”

PODA 31:31

Balosi sude hadenggananna, ia ma dadaboru na patut pasangapon sanga na di dia.

PODA 5:22

Songon tirangkap do dosa ni jolma na jahat na manjorat halakna i sandiri.

PODA 1:31

Jadi, patunda ni angka parbuatanmunu i rasoanmunu ma i lopus gabe mardangol hamu.

JOB 4:8

Huboto sian alatan na mamangkur ladang hajahatan, jana na manyabur hamagoan songon same ni suan-suanan, laing na manyabi do di parmaraan dohot di hasusaan!

JEHESKIEL 12:19

Jana dokkon ma tu pangisi ni kota on; songon on do pandok ni Tuhan Debata taringot tu pangisi ni Jerusalem na di Israel: Angkon humitir ma halahi mangan jana manghutur laho minum anso gariang tano ni halahi angke nada adong be pangisina, hara ni hakejamon ni sude halak na tinggal disi.

JEHESKIEL 33:28

BaenonKu ma luat i gabe padang halongonan na lungun, jana marujung ma kuaso na sai dipangasahon ni halahi. Gabe gasgas hatubuan ni duri ma angka dolok na di Israel, gabe nada adong be halak tarbaen mamolussa.

MIKA 3:4

Dapot do i hatihana marsurak hamu mangido tolong tu Tuhan, tapi nada ra Ia mangalusi. Nada ra be Ia mangalusi angka tangiangmunu, hara ni na dung dibaen hamu pangalaho na jahat.

MIKA 5:3

Markarejo ma ia jana marmahani halahi markite-hite hagogoon ni Tuhan i dohot markite-hite hamuliaan ni goar ni Tuhan Debatania sandiri. Mangolu di bagasan sonang ma bangsona i, dibaen okuon ni jolma na satano on do hagodangannia,

JESAYA 17:9

Di ari i, gabe ropuk-ropuk jana mamolngit ma angka kota na togu partahananna, songon kota na nitadingkon ni halak Hewi dohot Amori di na maporus halahi sian halak Israel.