MIKA 7:11 - BIBEL JAMITA NA DENGGAN

¹¹ Ale Jerusalem! Madung dapot hatihana di hamu laho mambangun angka tembok ni kotamu mangulahi. Pabidangon ma di ari i tanomu.

MIKA 7:11 Referans Kwoze

NEHEMIA 2:8

Tamba ni i, laing hupangido dope surat tu si Asap panjago ni harangan harajaan, anso dipasingkop ia hayu sibaenon tu pintu horbangan ni benteng na manjagohon Bagas Ni Tuhan, dohot sipakeon di tembok ni kota dohot bagas na giot ingananku. Dioloi raja i do sude pangidoanki, dibaen ditolong Debata do au.

JESAYA 54:11

“Ale na marhancit, na diombus ni alogo, na so diapuli! Satutuna, payakkononKu ma ojahanmu, dohot batu na lomlom dohot batu nilam.

NEHEMIA 4:6

Anggo hami laing hami toruskon do na padenggankon tembok i, jana nada sadia honok nari dung i, sidung ma dipadenggan sude tembok i lopus satonga gincatna, harana marsemangat do antong rayat i na mangharejohon i.

NEHEMIA 4:3

Si Tobia na jongjong di lambungnia i pe, mandok hata muse ma, “Ligi hamu ma tembok na nibangun ni halahi i! Anjing harangan pe, tarrumpakkonsa do i!”

NEHEMIA 2:17

Tapi dung i hudok ma tu halahi, “Ligi hamu ma pangalaho ni pardangolanta on! Tinggal na magargar noma Jerusalem dohot angka pintu horbanganna pe ma abis dipangan api. Tole ma tabangun mangulahi angka tembok ni kota Jerusalem on anso ulang marlayas be hita.”

DANIEL 9:25

Boto jana astui ma on: Salpu ma pitu noli pitu pulu taon, mamungka sian na diparuar parenta laho mambangun Jerusalem mangulahi lopus tu haroro ni sada pamimpin na nitodo ni Debata. Pitu noli onom pulu dua taon honokna paulion ma mangulahi angka dalan dohot angka tembok ni Jerusalem, tapi gok hamaolon do hatiha i.

JESAYA 54:2

Angkon pabidangon noma bandar ni ingananmu, paginjangonmu angka talina, jana patoguonmu sangkotanna.

JESAYA 58:12

Kota na dung honok tarulang, bangunonmunu ma mangulahi di ginjang ni ojahan na lolot i. Tarbarita ma hamu songon sada bangso na mambangun mangulahi angka tembok dohot angka dalan na dung maronco anso hainganan mangulahi.”

JESAYA 61:4

Sego-sego ni kota na dung honok mamolngit pajongjongon ni halahi mangulahi.