MIKA 6:10 - BIBEL JAMITA NA DENGGAN

¹⁰ Di angka bagas ni halak parjahat, marpungu ma sinadongan na dapot sian dalan na so patut. Dipake halahi do parsuhatan na pargabus, i ma sada parbuatan na sai Huhagigihon.

MIKA 6:10 Referans Kwoze

AMOS 3:10

“Saotik nada adong diboto halahi mambaen na tigor, ninna Tuhan, dibaen halahi do bagas paribadatanna dohot angka hakejamon dohot parkancitan.”

PODA 20:10

Timbangan dohot parsuhatan na geduk nada i di roha ni Tuhan na tumbuk.

PODA 21:6

Sinadongan na dapot sian na so jujur maradu tibu do i mago jana i ma maroban halakna i tu kubur.

PODA 20:23

Nada dihalomohon Tuhan na mangicu di kiloan dohot batu ni timbangan.

PODA 11:1

Goyak do roha ni Tuhan di halak na mamake timbangan na geduk; tapi di timbangan na jujur do rohaNia sonang.

PODA 10:2

Sinadongan na dapot sian hageduhan nada mangalehen hauntungan; tapi hatigoran bisa do paluahon halak sian hamatean.

JOSUA 7:1

Madung diparentahon Tuhan halak Israel bahaso na so tola buaton sada pe sian sandok na adong di Jeriko na angkon sisegohononkon. Hape nada dioloi parenta i. Adong ma sada bayo na margoar si Akan na mangalanggar parenta i, jadi gabe muruk situtu ma Tuhan tu halak Israel. (Amang ni si Akan goarna si Karmi jana ompungnia margoar si Zabdi na sian horong ni Marga Zerah na masuk tu Marga Juda.)

ZEPANYA 1:9

UhumanKu ma sandok halak na marsomba songon na so mananda Au, dohot na manangko jana mamunu jolma laho manggohi bagas ni tokena dohot angka barang na dirampas.”

MIKA 6:9

Habisuhon do muda mangkabiari Debata. Pio-pio do Ia tu halak na mangingani kota, didok Ia do, “Tangihon ma ale hamu na marlagut di bagasan kota!

AMOS 3:9

Pabotohon ma on tu angka jolma na maringanan di bagas godang ni Mesir dohot Asdod, “Marlagut ma hamu di angka dolok na humaliang Samaria, jana pamanat hamu ma hasursaran godang dohot angka hajahatan na dipambaeni disi.”

ZAKARIA 5:6

“Aha do i?” ningku manyapai. “Sada karanjang,” ning ia mangalusi. “I ma gambaran ni dosa sian sude tano on.”