MIKA 5:5 - BIBEL JAMITA NA DENGGAN

⁵ Taluhonon ni halahi ma Asur dohot luat ni si Nimrod marhite podang; jana paluaon ni halahi ma hita sian halak Asur, muda ro halahi masuk tu tanonta dohot mamolus luatta jana mandege luatta.

MIKA 5:5 Referans Kwoze

LUKAS 2:14

“Hasangapan ma di Debata na di ginjang, dame ma di tano on di angka jolma halomoan i!”

ZAKARIA 10:3

Didok Tuhan ma, “Goyak do rohangKu tu angka parmahan jana tu angka pamimpin hulanan ni hambeng. BaenonKu ma pamaloson, harana diparate-atehon Tuhan Na Markuaso i do angka biri-biriNa, i ma horong ni si Juda, jana baenonNa songon kudo porang na gogo na dung nihobasan tu parporangan.”

JOHANNES 14:27

Hasonangan do Hutadingkon di hamu. Hasonangan na sian Au sandiri do na Hulehen tu hamu. Nada songon pangalehen ni portibi on anggo pangalehenKu hasonangan i tu hamu. Ulang pola susa rohamunu; ulang hamu mabiar.

ZAKARIA 9:10

Didok Tuhan ma, “Angka kareta na sian Efraim, ambungkononKu noma i, sandok kudo na di Jerusalem, abiskononKu noma i jana sude sior ponggolanKu noma i. Baenon ni rajami ma pardamean ni angka bangso. Sian laut na sada tu laut na asing ia noma markuaso. Sian Batang aek Efrat lopus tu ujung ni tano.”

PARJAMITA 11:2

Lehenma bagian i tu pitu sanga tu salapan halak, angke porlu do jamot-jamot halak, painte so masa hasusaan.

JOB 5:19

Muda ro mara pangondam, sai na marpupu do ho nipalua.

HALUMBAAN 19:14

Diihutkon angka parangan na sian banua ginjang ma Ia, rap markudo na bontar jana marpakean linen na bontar saksak.

HALUMBAAN 17:14

Na giot marporang do halahi mangalo Anak Ni Biri-biri i. Tapi taluhonon ni Anak Ni Biri-biri i ma halahi, angke Ia do Tuhan ni angka tuan jana Raja ni angka raja. Dung i monang ma na rap dohot Ia, i ma angka na nipiohon dohot na nipili dohot na setia.”

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

ZAKARIA 12:6

Anggo di ari i, baenonKu ma angka ripe ni Juda songon api di harangan sanga di ladang ni gandum na gumorsing; putusan ni halahi ma angka bangso na humaliang halahi. Tapi anggo halak na maringanan di Jerusalem tongtong do sonang di bagasan kota.

ZAKARIA 9:13

BaenonKu ma Juda songon sior na sintak, jana Huhobasi Efraim tu parporangan, jana Hupake angka anakmi ale Sion, adop angka anakmu, jana tano Junani baenonKu gabe podang ni sada pahlawan.”

AMOS 1:6

Didok Tuhan ma, “Marpupu do mardosa halak Gasa, hara ni i angkon hona uhum halahi baenonKu. Dioban halahi do himpal sada bangso, jana digadis halahi ma i gabe hatoban tu halak Edom.

AMOS 1:3

Didok Tuhan ma, “Marpupu do halak Damaskus mardosa, hara ni i angkon hona uhum halahi Hubaen. Santak do kejamna pambaen ni halahi tu halak Gilead.

JEREMIA 33:15

Anggo di hatiha i pilionKu ma sada raja na tigor sian pomparan ni si Daud. Padalanon ni raja i ma hatigoran dohot na sintong di sude luat.

JESAYA 65:8

Songon on do pandok ni Tuhan, “Nada ambungkonon batu ni anggur na maraek dope, tapi dibaen do gabe i aek ni anggur. Songon i muse do bangsongKu, nada pasidungonKu. PaluaonKu do sanga ise na mangoloi Au.”

JESAYA 59:19

Sian Habincaran lalu tu Hasundutan mabiar be noma halak mida Ia hara ni godang ni kuasoNia. Ro ma Ia songon batang aek na doras sanga songon alogo na gogo.

JESAYA 44:28

Au do na mandokkon taringot tu si Kores: ‘Ia do siparmahanKu, sandok hagiotKu giot patulusonnia, na mandok taringot tu Jerusalem: Padiar ma ia dipajongjong, jana taringot tu Bagas Na Badia: Padiar ma dipayakkon batu ojahanna!’ ”

JESAYA 7:14

Hara ni i Tuhan sandiri ma mangalehen sada tanda di hamu: Sasintongna, sada halak anakboru angkon mardenggan pamatang jana manubuhon sada anak, jana goaronnia ma Anak i “Immanuel”.

PODA 30:29

Adong do opat na pahomang roha muda niparrohahon sian pardalanna, i ma:

PODA 30:18

Adong do opat parkaro na mamaoltu di au astuan:

MASMUR 72:7

Salolot di ngoluna, sai mur tu jegesna ma manjarar hatigoran, jana donaon na marlobian saleleng adong dope bulan!

PODA 6:16

Adong do pitu parkaro goyak ni roha ni Tuhan jana na so tarpadiar Ia: Tabiat na sombong. Pamangan pargabus. Tangan na mamunu halak na so marsala. Utok-utok na mambaen sangkap na jahat. Pat na mopop kehe tu hajahatan. Saksi na sai torus margabus, dohot halak na patubu-tubu parbadaan di tonga-tonga ni dongan.

JESAYA 14:25

PusaonKu ma halak Asur na di Israel tanongKi jana na maringanan di angka dolok Hudege-dege ma i. PaluaonKu ma bangsongKi sian boban na nipaksahon ni halak Asur tu halahi.

ZAKARIA 10:11

Muda mamolus lautan ni hasusaan halahi, Au Tuhan mamukul angka ombaknai, tandolan ni Batang aek Nil pe gabe mahiang. Diparenjep ma Asur na bulbul i, jana agoan kuasona ma Mesir na gogo i.