MIKA 5:10 - BIBEL JAMITA NA DENGGAN

¹⁰ Huroncohon angka kota na adong di tanomu jana Hurumpakkon sude partahananmu.

MIKA 5:10 Referans Kwoze

ZAKARIA 9:10

Didok Tuhan ma, “Angka kareta na sian Efraim, ambungkononKu noma i, sandok kudo na di Jerusalem, abiskononKu noma i jana sude sior ponggolanKu noma i. Baenon ni rajami ma pardamean ni angka bangso. Sian laut na sada tu laut na asing ia noma markuaso. Sian Batang aek Efrat lopus tu ujung ni tano.”

HOSEA 14:3

Mulak ma hamu tu Tuhan jana palalu hamu ma tangiang on gabe songon haul tuSia, “Tuhan, sesa ma sude dosanami jana jagit ma tangiangnami on, gabe pujionnami ma Ho laing songon na dung hami janjihon i.

HOSEA 1:7

Tapi haholonganKu do halak Juda, jana paluaon halahi marhite goar ni Tuhan, Debata ni halahi. PaluaonKu do halahi, sior sanga podang, parhohas ni porang sanga kudo dohot halak na mangalombutsa.”

JEREMIA 3:23

Nada adong gunana marsomba gana-ganaan hami di puncu ni angka dolok! Hum sian Tuhan Debatanami do pangurupion anggo tu Israel.

JESAYA 2:7

Gok perak dohot sere do tano ni halahi jana na so tarasam do bahat ni sinadonganna. Kudona na lobi bahat, jana karetana nada habilangan bahatna.

PANGARATAION 17:16

Muda raja, nada tola bahat kudona baen di tentarana. Nada tola suruonnia halak tu Mesir laho manobusi kudo, dibaen madung didok Tuhan do na so tola be mulak bangsoNia i tu luat i.

HAGAI 2:22

ParrumpakkononKu ma angka harajaan jana sarsarkononKu angka kuaso ni halahi. Huparbalikkon angka kareta porang dohot na manenggetsa; marmatean ma sude kudona jana marsibunuan ma angka na manenggetsa.