MIKA 4:7 - BIBEL JAMITA NA DENGGAN

⁷ Damos halahi dionyakkon jana dao sian huta hagodangan. Tapi sian angka jolma na teba i, giot pungkaonKu ma sada sundut na imbaru. Gabe bangso na godang ma halahi boti na gogo. Au do na mamarenta halahi di Dolok Sion salolot-lolotna.”

MIKA 4:7 Referans Kwoze

LUKAS 1:33

Jadi gabe raja ma Ia di angka pomparan ni si Jakob ro di salolot ni lolotna. Nada marujung be HarajaanNia.”

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

MIKA 2:12

Didok Tuhan ma mangulahi, “Ale halak Israel na teba! Angkon palagutonKu do hamu jana pasadaonKu songon biri-biri na mulak tu barana. Songon padang na gok biri-biri, laing songon i ma tanomunu mangulahi gok dohot bahat ni jolma.

DANIEL 7:14

Dilehen do tusia hasangapan dohot kuaso songon raja, jadi unduk ma tusia angka jolma sian sandok bangso, marga ni bangso dohot hata na marragam-ragam. Manongtong do kuasonia i salolot-lolotna, nada dirampas be sian ia harajaan.

JESAYA 24:23

Manggolap ma bulan i jana mataniari nada be marsinondang, angke mamarenta noma Tuhan Na Markuaso i songon sada raja. Mamarenta ma Ia di Jerusalem, di ginjang ni Dolok Sion, jana idaon ni angka pamimpin ni bangso ma hamuliaonNia.

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”

MIKA 5:3

Markarejo ma ia jana marmahani halahi markite-hite hagogoon ni Tuhan i dohot markite-hite hamuliaan ni goar ni Tuhan Debatania sandiri. Mangolu di bagasan sonang ma bangsona i, dibaen okuon ni jolma na satano on do hagodangannia,

JOEL 3:17

“Ale Israel, saonnari botoonmunu, Au do Tuhan Debatamunu. Di Sion do Au maringanan i ma dolokKu Na Badia i. Gabe kota na badia noma Jerusalem, nada be taluhonon ni halak na asing kota i.

HOSEA 1:10

Gabe sabahat ni horsik na di topi ni laut bahat ni bangso Israel lopus nada habilangan. Saonnari didok Debata ma tu halahi, “Nada bangsongKu hamu,” tapi dapot do i hatihana dohononNia tu halahi, “Au ma da Debata na mangolu jana hamu angka dakdanakKu!”

DANIEL 7:27

Lehenon noma tu bangso ni Debata Na Gumincat i kuaso dohot hagodangan ni sude harajaan na di tano on. Nada marujung be kuaso ni halahi laho mamarenta jana sandok parkuaso na di tano on unduk noma tu halahi di bagasan haburjuon.

JESAYA 66:8

Jungada ma he tarbege na songon i? Nada unjung dope masa sada bangso ditubuhon di bagasan sadari. Hape anggo Sion, nada pola lolot mangae madung sorang angka anakna.

JESAYA 60:22

Salang ripe na menek jana na bile, gabe godang ma jana markuaso. Au ma da Tuhan; manigor baenonKu ma tindakan, muda dung dapot hatiha na tumbuk.”

JESAYA 6:13

Salang sugari adong saparsampulu halak nari sian bangso na tading di luat i, i pe angkon dimatehon. Angkon songon hayu baringin na di taba halahi, hum tungkona noma tinggal. Sian tungko i ma muse ruar tunas, na badia.”

MASMUR 2:6

Ning Ia ma, “Di Sion, dolokKu na badia i madung Hupabangkit raja na Hupili i.”

JESAYA 16:5

Dung i gabe raja ma sada sian pomparan ni si Daud, jana parentaonnia ma bangsonia marhite holong dohot burju ni rohana. Pajongjongonnia ma hatigoran jana ompotannia noma mambaen tindakan laho mambaen na tigor.)

DANIEL 2:44

Di hatiha ni angka raja-raja i mamarenta, giot pajongjongon ni Debata na di banua ginjang i ma sada harajaan na manongtong sapanjangna jana na so tartaluhon bangso dia pe. Roncohonon ni harajaan na sada i ma sandok harajaan na asing i tapi harajaan na sada i, manongtong do ro di salolot ni lolotna.

DANIEL 4:34

“Dung salpu hatiha sipitu taon i, hupadorgak ma tu langit gabe sumuang ma torang rohangku. Jadi hupuji ma Na Gumincat i. Hupasangap jana hupagodang ma na Tongtong Mangolu i, Mamarenta noma Debata salolot-lolotna. Markuaso do Ia sapanjangna.

JOEL 2:32

Anggo di hatiha i, dapotan haluaan ma sanga ise na mangido pangurupi ni Tuhan i. Harana di Dolok Sion dohot di Jerusalem giot adong ma haluaan songon na nidok ni Tuhan; sude halak na mamiohon goar ni Tuhan, i do na giot dipalua.”

ZEPANYA 3:13

Halak Israel na malua i, nada mambaen jahat be sanga na tu ise pe; nada margabus be halahi jana nada paoto-otohon. Sonang ma halahi jana dame, jana nada mabiar sanga na tu ise pe.”

JEHESKIEL 43:7

“Ale anak ni jolma, on ma habangsangKu. Dison ma Au giot maringanan di tonga-tonga ni halak Israel jana mamarenta tu halahi salolot-lolotna. Nada be pahodaron ni halahi bope angka raja ni halahi goarKu na Badia i marhite na manyomba gana-ganaan sanga marhite na manguburkon angka raja ni halahi di inganan on.

OBAJA 1:21

Porangan ni halahi ma rap dohot halak Jerusalem na asing i halak Edom jana taluhononna. Jadi Au Tuhan, mamarenta noma gabe raja.”

MIKA 2:13

BukaonKu ma dalan jana obanonKu hamu haruar sian habuangan. Onjarkononmunu ma angka pintu ni horbangan jana kehe ma hamu so adong mangambat. Au Tuhan, Au sandiri Rajamunu, jana Au manguluhon hamu haruar.”

ZEPANYA 3:20

Ro do i hatihana, jana ro ne noma i, toguonKu ma mulak halakmu na marserak i. BaenonKu tarbonggal hamu di sandok portibi, jana Hupasuang hasonangonmu mangulahi.” Madung didok Tuhan songon i.