MIKA 4:5 - BIBEL JAMITA NA DENGGAN

⁵ Ganop bangso na adong di portibi mangoloi be jana marsomba tu debatana sandiri. Tapi anggo hita haburjuhononta ma mangoloi Tuhan Debatanta jana tasomba Ia salolot-lolotna.

MIKA 4:5 Referans Kwoze

ZAKARIA 10:12

PargogoanKu ma bangsongKu, oloanna jana marsomba ma halahi tu Au. Au Tuhan, mandok songon i.”

KOLOSSE 3:17

Pendekna, sanga aha sikarejohonon sanga sidokkononmunu, angkon mangasahon Tuhan Jesus do karejohonon jana dokkononmunu i. Jana mandok tarimakasi ma hamu tu Debata Ama i markite-hite Jesus.

JOSUA 24:15

Sugari sura nada ra hamu mangoloi tu Tuhan, laing sadari on ma baen hamu haputusanna, sanga na tu ise do giotmunu mangoloi: Tu angka debata na nisomba ni ompumunu najolo di Mesopotamia, sanga tu angka debata ni halak Amori na niingananmunu tanona saonnari do. Tapi anggo hami – au dohot dongan sabagasku – hum Tuhan do oloannami.”

JESAYA 2:5

O ale hamu pomparan ni si Jakob, beta ma hita mardalan di bagasan sondang ni Tuhan!

MASMUR 48:14

Paboa Ia do Debata, Debatanta sapanjangna, uluhononNia ma hita salolot-lolotna.

KOLOSSE 2:6

Madung dijagit hamu Jesus Kristus gabe Tuhan. Hara ni i angkon sahangoluan ma hamu dohot Ia,

JESAYA 26:8

Hami patulus do giotMu, ale Tuhan, hum Ho sajo do haposannami dohot lungun ni rohanami.

2 RAJA-RAJA 17:34

Lalu tu sadari on laing didalankon halahi do adat hasomalan ni halahi. Nada na marsomba tu Tuhan halahi, jana nada didalankon halahi angka uhum dohot angka parenta na nilehen ni Tuhan tu pomparan ni si Jakob, na nigoaranNia muse si Israel.

2 RAJA-RAJA 17:29

Tapi anggo angka jolma na maringanan di Samaria i laing marsibaen gana-ganaanna sandiri do halahi jana dipambaeni halahi ma i di angka inganan pamelean na nipajongjong ni halak Israel. Ganop horong do marsibaen gana-ganaanna sandiri di kota na niinganan ni halahi be:

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

MASMUR 71:16

Hupuji do angka pambaenanMu na godang i, ale Tuhan Debata, hum hadenggananMu sajo do giot baritahononku, hum denggan ni rohaMu sajo.

BAENON NI ANGKA RASUL 14:16

Anggo na salpu i dipadiar Debata do angka bangso marsibaen rohana be na mangolu i.

JESAYA 26:13

Ale Tuhan Debatanami! Madung bahat na unjung mangarajai hami; tapi hum Ho sajo do sioloannami.

PANGARATAION 27:10

Hara ni i, oloi hamu ma Tuhan i jana ihutkon hamu ma sude uhumNia na hulehen tu hamu sadari on.”

MASMUR 20:6

Saonnari, huboto Tuhan do hape mangalehen hamonangan di raja na nipiliNia. Dilehen Tuhan alusna sian banua ginjang; dapotan hamonangan godang raja i hara ni Tuhan Na Markuaso.

JEREMIA 32:40

BaenonKu ma parjanjian na hot dohot halahi. Nada mantak Au mambaen na denggan tu halahi. BaenonKu ma halahi mabiar jana mamparsangapi Au sian sandok rohana anso ulang mandao halahi sian Au.