MIKA 4:10 - BIBEL JAMITA NA DENGGAN

¹⁰ Ale halak Jerusalem, marngeat jana mangangguhi ma hamu songon ina na tubu-tubuan! Harana, angkon tadingkononmunu noma kota saonnari jana maringanan di padang-padang noma hamu. Angkon kehe ma hamu tu Babel, tapi paluaon ni Tuhan do hamu disi sian angka musumunu.

MIKA 4:10 Referans Kwoze

JESAYA 48:20

Kehe ma ho sian Babel, lojongi ma tu Kasdim baritahon ma mardongan jop ni roha. Baritahon ma sun tu dia: “Madung dipalua Tuhan Israel, naposoNia!”

HOSEA 13:13

Adong dope hatiha na denggan di Israel laho mangolu nian, tapi songon i ma antong otona gabe nada diparhasaya ari-ari i. Songon dakdanak na giot sorang do ia, tapi nada ra ia haruar sian bortian ni inangna.

HOSEA 2:14

Didok Tuhan ma, “Hara ni i obanonKu ma ia tu halongonan; elek-elehonKu ma ia disi marhite angka holong ni roha.

JESAYA 45:13

Au do na manyosoi si Kores anso mambaen tindakan, laho mandalankon maksudKu, anso jongjong hatigoran. Hupahornop dalan sibolusonnia, Jerusalem hutangKu dibangun ia. BangsongKu na hona taban, dipalua ia, so hara ni sisip sanga nidangdangan.” Tuhan Na Markuaso i do na mandokkon i.

JESAYA 43:14

On ma na nidok ni Tuhan napalua hamu, Debata Na Badia ni Israel, “Hara ni hamu, Hualo Babel marhite na manongos tentara, Huonjarkon angka palang ni pintu ni hurunganna, jana sora siriaonna Hupauba gabe partangisonna.

2 RAJA-RAJA 20:18

Sian angka pahompumu pe adong ma na giot obanonna jana dibaen gabe pagawe ni bagas godang laho mangoloi raja ni Babel.”

HALUMBAAN 12:14

Hape madung dilehen di dadaboru i dua habong ni rajawali na godang situtu anso tarbaen ia habang tu inganannia di parhorsihan jana anso malua ia sian serangan ni naga i. Di parhorsihan i ma ia dipauli-uli sada hatiha, dua hatiha, dohot satonga hatiha.

HOSEA 1:10

Gabe sabahat ni horsik na di topi ni laut bahat ni bangso Israel lopus nada habilangan. Saonnari didok Debata ma tu halahi, “Nada bangsongKu hamu,” tapi dapot do i hatihana dohononNia tu halahi, “Au ma da Debata na mangolu jana hamu angka dakdanakKu!”

JEREMIA 15:21

PaluaonKu do ho sian kuaso ni angka jolma na jahat jana na kejam. Au Tuhan, madung mandok songon i.”

MASMUR 106:10

Gabe malua ma halahi sian tangan ni musuna, sian tangan ni alona, halahi dipalua.

2 JUJUR TAON 36:20

Rayat na malua, dioban ia tu Babel. Gabe hatobannia ma disi halahi jana hatoban ni pomparannia lopus tu hatiha ni harajaan Persia markuaso.

2 JUJUR TAON 33:11

Jadi diparo Tuhan ma angka panglima ni tentara Asur laho mangarampas Juda. Ditangkup ma si Manase dohot hait, dirante lalu dioban tu Babel.

2 RAJA-RAJA 25:4

Laing di hatiha i muse ma ditapor musu tembok ni kota i. Borngin i, haru pe na hona hobuk kota i, maporus ma raja i dohot tentara ni Juda sude kehe tu Rura ni Jordan. Mamolus sian dalan na manyalpui kobun bagas godang i ma halahi, lalu ruar sian horbangan na padomuhon tembok na dua na disi.

JEREMIA 29:20

Jana hamu sude na Hubuang tu Babel, tangihon hamu ma na Hudok, Au Tuhan na mandok.’

JEREMIA 48:41

Rampasonna ma angka kota dohot angka bentengna, jana mabiar ma tentarana i songon ina na giot di api.

JEREMIA 52:27

na di tano Hamat. Diparkanciti ma halahi disi lalu dibunu. Songon i ma dioban halak Juda i sian tano ni halahi lalu tu habuangan;

MIKA 5:3

Markarejo ma ia jana marmahani halahi markite-hite hagogoon ni Tuhan i dohot markite-hite hamuliaan ni goar ni Tuhan Debatania sandiri. Mangolu di bagasan sonang ma bangsona i, dibaen okuon ni jolma na satano on do hagodangannia,

2 JUJUR TAON 36:23

“On ma parenta ni si Kores, raja ni Persia! Madung dibaen Tuhan, Debata na markuaso di banua ginjang au gabe raja di portibi on sudena, jana disuru Ia do au laho mambangun bagas diSia di Jerusalem na di Luat Juda. Jadi, saonnari hamu sudena anggota ni bangso ni Debata, angkon mulak hamu tusi! Sai didongani Tuhan Debatamunu i ma hamu.”

JEREMIA 4:31

Tarbege do tu au sora ni angguk-angguk songon sora ni ina na giot tubu-tubuan; songon dadaboru parsaurangan na manubuhon dakdanakna, songon i ma sora ni boru Sion mongkik-ongkik. Gapa-gapa tanganna i jana sai humolos-holos ia, “Marjaya ma au on – hona bunu au dibaen musu!”

JEREMIA 13:4

“Kehe ma ho tu Batang aek Efrat, jana bunihon ma bobat abit i di holang-kolang ni batu.”

MIKA 5:2

Hara ni i padiaronnia ma halahi lopus tubuan anak sada dadaboru na denggan hian pamatangna. Dung i pasadaonna ma mangulahi angka dongan sabangsona na adong di habuangan dohot bangso ni halahi.