MIKA 3:3 - BIBEL JAMITA NA DENGGAN

³ Dipolgak hamu do bangsongKi. Disibak-sibak hamu bobakna i jana ditapor hamu holi-holina i. Diponggol-ponggol hamu halahi songon na mananggoi juhut laho pamasukkon tu bagasan huali.

MIKA 3:3 Referans Kwoze

MASMUR 14:4

Didok Tuhan, “Na so diboto angka na jahat i do na disamun halahi bangsongKu jana nada jungada halahi martangiang tu Au?”

JEHESKIEL 11:3

Na mandok: Nada he santongkin dope dung tabangun angka bagasta on muse? Kota on do hudon jana hita juhutna.

ZEPANYA 3:3

Songon singa na marngaur-ngaur do angka pamimpin ni kota i. Angka hakimna pe songon angka sorigala na malean do; santak do lahap ni halahi, sada holi-holi pe nada adong na tading tu ancogot ni halahi.

MASMUR 27:2

Muda ro parjahat mangaroro giot mamunu au, tartuktuk ma halahi lalu madabu.

JESAYA 3:14

Ro ma Tuhan songon panguhum maradopkon angka pamimpin ni bangsoNia. Songon on ma adu-adu ni Tuhan maradopkon halahi: “Ditangko hamu do suha ni angka kobun anggur, jana gok bagasmu dohot barang na nirampas sian halak na pogos.

JEHESKIEL 24:4

Pamasuk ma juhut tu bagasan juhutna i, i ma juhut na dumenggan; juhut ni tamparan dohot hae-haena maradu holi-holi na gok sumsumna.

MIKA 2:8

Dialusi Tuhan ma, “Hamu do na mamorangi bangsongKu songon musu. Dirampas hamu do baju ni halak na baru mulak sian porang jana sonang do rohamunu di bagasna.

PODA 30:14

Adong do halak na kejam na mambuat pangomoan sian na pogos dohot na dangol, sai songon i do dikarejohon manjalahi ngoluna.

JESAYA 3:15

Nada adong hakmu laho mamisat bangsongKu dohot mamoro halak na pogos. Au Tuhan Debata Na Markuaso madung mandok songon i.”

AMOS 8:4

Tangihon ma, hamu angka na mandege-dege halak na pogos, jana na mangagohon halak na dangol di luat on.