MIKA 2:6 - BIBEL JAMITA NA DENGGAN

⁶ Marjamitai angka jolma tu au, mandok, “Ulang be marjamita ho tu hami. Ulang jamitahon sudena i tu hami. Nada ra Debata pailahon hami.

MIKA 2:6 Referans Kwoze

AMOS 2:12

Hape dibaen hamu do halak nasir minum anggur, jana dilarang hamu angka panurirang palaluhon tonangKu.

JESAYA 30:10

Didok halahi do tu angka panurirang, “Pasip! Ulang paboa tu hami na tutu. Na tabo begeonnami ma dok. Padiar ma hami marangan-angan.

BAENON NI ANGKA RASUL 5:40

Dung i dipiohon ma angka rasul i, diloncing jana dilarang ma halahi mangajarkon taringot tu Jesus mangulahi. I pe anso dipalua halahi.

BAENON NI ANGKA RASUL 7:51

O hamu na jogal rungkung, bope na marroha dohot na marpinggol songon halak na so mananda Debata! Tongtong do dialo hamu Tondi Parbadia, songon ompumunu i, laing songon i do hamu muse.

BAENON NI ANGKA RASUL 5:28

Ning ia ma, “Nada he hami antahi do hamu, anso ulang be diajarkon hamu taringot tu Goar i. Tapi ligi hamunu ma sanga aha na dung nibaenmunu i! Madung digohi hamu Jerusalem on sude dohot pangajaranmunu, jana giot paporsankononmunu ma mudar ni Bayo i tu hami.”

BAENON NI ANGKA RASUL 4:17

Tapi anso ulang mur rarat be barita i tu halak na bahat, taondam jana taancam ma halahi na so tola be mangkatai halahi sanga na tu ise pe anggo mamake Goar i.”

MIKA 6:16

Tarjadi pe sudena i patunda ni na niihutkonmunu ma angka parbuatan jahat na nibaen ni Raja Omri dohot Raja Ahab, anakna i. Diihutkon hamu do antong angka pangalaho ni halahi. Hara ni i roncohononKu ma hamu, jana siincahan dohot silayason ni sandok bangso ma hamu.”

AMOS 7:13

Ulang be pupu marjamita di Betel inganan na badia ni raja do kota on jana inganan paribadatan ni sandok bangso on.”

JEHESKIEL 21:2

“Ale anak ni jolma, burai ma Jerusalem. Burai ma angka inganan paribadatan na disi. Paingot ma tano Israel,

JEHESKIEL 20:46

“Ale anak ni jolma parsantongkinan, ligi ma adop Selatan. Gorahon ma tano na di Selatan jana songgot ma harangan na disi.

JEHESKIEL 3:26

BaenonKu ma jogal dilamu anso ulang tarbaen ho paingotkon bangso pangalo on.

MASMUR 74:9

Nada haidaan be angka panurirang dohot angka tanda hahomangan, umpe sahalak umboto intap ni andigan laing songon on.

JESAYA 29:10

Dibaen Tuhan hamu mondohondok jana tarpodom sinok. Simalolongmu – i ma angka panurirang – madung dipapimpit Ia; jana bohimu – i ma angka partondung – madung dihungkupi Ia.

AMOS 7:16

Hara ni i bege ma sanga aha na nidok ni Tuhan tu ho. Dibaen diorai ho do au marjamita mangalo bangso Israel,

MIKA 3:6

“O Panurirang, marujung ne ma hatihamu; mamungka lusut ma mataniarimu. Dipaoto-oto hamu do bangsongKi, hara ni i nada jagitonmunu be parnidaan na pabotohon angka sangkapKu. Nada be tarlumbahon hamu sanga na aha.”