MATEUS 9:24 - BIBEL JAMITA NA DENGGAN

²⁴ didok Ia ma, “Ruar ma jolo hamu sude! Inda na mate dakdanak on. Na modom do i.” Dipartatai halahi ma Jesus.

MATEUS 9:24 Referans Kwoze

BAENON NI ANGKA RASUL 20:10

Tapi mijur ma si Paulus tu toru, tungkap ma ia manghaol doli-doli i. Didok ia ma, “Ulang pola ganggu rohamunu, laing mangolu dope ia!” ning ia.

BAENON NI ANGKA RASUL 9:40

Disuru si Petrus ma halahi sude anso haruar, jana singgang ma ia martangiang. Dung i dipaadop ia ma tu bangke ni si Dorkas jana didok ia ma, “Tabita, ngot ma ho!” Jadi dipabolnang ia ma matania jana dung diida ia si Petrus, juguk ma ia.

JOHANNES 11:4

Dung dibege Jesus barita i didok Ia ma, “Nada pola mate ia baenon ni nyae i. Anso marsangap do Debata umbaen na marnyae si Lasarus; anso laing dohot muse ma dipasangap Anak Ni Debata.”

JESAYA 53:3

Dipasiding halak ia jana dipalayas, halak na somal marhancit do ia jana na mardangol, na layas sajo do ia, lopus ditutup halak bohina maradopkon ia, jana di hita pe nada masuk etongan ia.

JESAYA 49:7

Maradopkon halak na tarlobi dipalayas, jana na nihagigihon ni angka bangso, boti na gabe naposo ni angka parkuaso, didok Debata Sipalua ni Israel: “Idaon ni angka raja ma pambaenanKu; jongjong ma halahi mamparsangapi Au. Laing idaon ni angka parkuaso muse ma i, lalu marsinggang ma marsomba halahi.” Tarjadi ma sudena i hara ni Tuhan na setia, Debata Na Badia ni Israel madung manodo naposoNa.

JOB 12:4

Sipartataan ni dongan au dohot ale-ale, hape tigor do iba so marsala. Najolo dialusi Debata do tangiangniba, muda mangido tolong iba tuSia.

MARKUS 5:40

Dipartatai halahi ma Jesus. Jadi disuru Jesus ma halahi haruar sude. Dipiohon Jesus ma simatobang ni dakdanak i dohot anak siseanNia na tolu halak i anso masuk tu bilik ni dakdanak i.

LUKAS 8:53

Gabe dipartatai halahi ma Jesus, angke tangkas do diboto halahi na dung mate dakdanak i.