MATEUS 7:28 - BIBEL JAMITA NA DENGGAN

²⁸ Dung sidung Jesus mangajarkon hataNa sinangkinan i, homang-homang ma roha ni halahi na umbege pangajaranNia i.

MATEUS 7:28 Referans Kwoze

LUKAS 4:32

Homang do roha ni halahi mida pangajaranNia i, harana gok kuaso do angka pandohanNia.

MARKUS 1:22

Homang-homang ma halak na manangihon pangajarNia i. Marsahala idaon Ia na mangajar i. Inda songon angka Siboto Surat i.

JOHANNES 7:46

Dialusi angka panjago i ma tu halahi, “Nada adong dope pangkatai ni jolma songon i!”

MARKUS 6:2

Mamungka ma Ia mangajari di Ari Sabat di bagas paribadatan. Bahat do halak na ro disi. Jadi hatiha na mangajari i Jesus, homang ma roha ni halahi. Didok halahi ma, “Sian dia do diboto Ia sudena i? Hamaloon na bia do na diSia i? Na bia do umbaen na malo Ia mambaen hahomangan i?

LUKAS 4:22

Di parhatutu halahi do Ia jana homang do roha ni halahi hara ni dengganna sude hata na nidokNia i. Didok halahi ma, “Inda he anak ni si Josep on?”

JOHANNES 7:15

Homang sajo ma roha ni angka halak Jahudi i. Didok halahi ma, “Sian dia do parbinotoan ni Bayo on, hape nada jungada Ia sikola?”

MATEUS 22:33

Dung dibege halak na bahat i hatorangan ni Jesus i, gabe homang ma roha ni halahi hara ni pangajaranNia i.

LUKAS 19:48

Tapi nada dapot halahi sanga songon dia pambaenna, angke sude rayat tuSia do rohana jana por do rohana manangihon Ia.

MARKUS 11:18

Dibege angka sintua ni malim rap dohot angka Siboto Surat do na nidokNia i. Gabe mamungka ma dijalahi halahi dalan laho mamunu Jesus. Tapi mabiar do halahi mida Ia, angke sude halak na bahat na disi i mangkilala, tabo pangajaranNia i.

MATEUS 26:1

Dung sidung diajarkon Jesus sude taringot tusi, didok Ia ma tu angka anak siseanNia i,

MATEUS 11:1

Jadi dung ditonai Jesus angka anak siseanNia na dua bolas i, kehe ma Ia sian i. Mangajari ma Ia paboahon jamita taringot tu Debata di angka kota na donok-donok disi.

MASMUR 45:2

Sian sandok na margoar jolma, raja i do na jumogi, gok na denggan do angka hata ni raja i, angke antong sai na hot do Debata mamasumasu di raja i.

MATEUS 19:1

Dung sidung didok Jesus i sude, ditadingkon Ia ma Galilea, kehe ma Ia tu Luat Judea sabola ipar ni Batang aek Jordan.

MATEUS 7:27

Muda ro udan, magodang ma aek, ro muse ma alogo na gogo manondong bagas i, marumpak ma bagas i. Hebat sajo ma hasegoanna.”

MATEUS 7:29

Harana nada songon pangajari ni angka Siboto Surat ni halahi i pangajar ni Jesus, tapi marsahala do.

LUKAS 2:47

Homang-homang do sude halak na disi umbege angka alusNia na topet-topet.

LUKAS 7:1

Dung sidung didok Jesus hataNia sudena i tu halak na bahat i, kehe ma Ia tu Kapernaum.