MATEUS 7:26 - BIBEL JAMITA NA DENGGAN

²⁶ Dung i, halak na umbege hatangKu, tapi nada dipatulus ia, sarupa ma i tu halak na bodo na pajongjong bagasna di ginjang ni horsik.

MATEUS 7:26 Referans Kwoze

LUKAS 6:49

Tapi anggo halak na umbege hatangKi hape nada dipatulus ia, tudos ma halak sisongon i tu na pajongjong bagas di ginjang ni tano na so marojahan. Muda masa banjir manondong bagas i, nada pola maol unggal bagas i jana manigor ropuk do parsegona!”

JEREMIA 8:9

Pailaon noma angka halak na pistar di tonga-tongamunu; mago ma roha ni halahi jana tarjorat. Nada ra halahi manangihon sipaingotKu; saonnari hapistaran aha dope na tading di halahi?

JAKOBUS 2:20

Ale jolma na oto, saonnari ra dehe ho mamparkatutui bahaso na mate do haporsayaan na so mardongan pambaenan?

1 SAMUEL 2:30

Au Tuhan Debata ni Israel, na dung Hujanjihon do najolo, horongmu dohot margamu do na giot parkobas di Au gabe malim sapanjangna. Tapi saonnari Au mandok, nada Huhagioti be na songon i! Angka na pasangapkon Au do na giot pasangaponKu tapi anggo na palayas Au, palayasonKu do.

PODA 14:1

Dadaboru na marroha mambangun rumahtanggana, tapi dirumpakkon haotoonna.

JOB 22:16

Dibuatkon do halahi dompak so dapot hatihana, jana diayupkon aek dompak di banjirna.

MATEUS 7:24

“Antong, sarupa ma tu halak na pistar na pajongjong bagasna di ginjang ni batu, sanga ise na manangihon bope na patuluskon angka hata nangkinan i.

MATEUS 7:25

Haru ro pe udan, magodang dohot aek, ro muse alogo na gogo manondong bagas i, nada ra rumpak bagas i angke di ginjang batu do i dipajongjong.

MATEUS 7:27

Muda ro udan, magodang ma aek, ro muse ma alogo na gogo manondong bagas i, marumpak ma bagas i. Hebat sajo ma hasegoanna.”