MATEUS 7:24 - BIBEL JAMITA NA DENGGAN

²⁴ “Antong, sarupa ma tu halak na pistar na pajongjong bagasna di ginjang ni batu, sanga ise na manangihon bope na patuluskon angka hata nangkinan i.

MATEUS 7:24 Referans Kwoze

JOHANNES 13:17

Saonnari madung diboto hamu na songon i; jadi muda didalankon hamu songon i, martua situtu ma hamu.”

LUKAS 11:28

Tapi dialusi Jesus ma, “Sanga ise na umbege hata ni Debata jana na mandalankonsa, halahi do na martua situtu!”

1 JOHANNES 2:3

Muda dohot hita burju mangoloi angka parenta ni Debata, i ma paboahon na tutu tatanda Debata.

MASMUR 111:10

Biar mida Tuhan, i do mula ni habisukon; sanga ise na mangkarejohonna dapotan parbinotoan. Nipuji ma Ia salolot-lolotna!

PODA 10:8

Diparrohahon na malo do hata sipaingot, tapi giot madabu do anggo halak na oto mangkobar.

JOHANNES 14:15

“Muda holong rohamunu tu Au, dalankononmunu do angka na Huparentahon.

JOHANNES 15:14

Angka ale-alengKu ma hamu muda dikarejohon hamu sanga aha na Huparentahon tu hamu.

JOB 28:28

Didok Debata ma tu jolma, “Angkon pasangopanmunu do Debata anso maruli bisuk hamu. Angkon mandao do hamu sian hajahatan anso dapotan parbinotoan hamu.”

JOHANNES 15:10

Muda diihutkon hamu angka parentangKu, mangolu ma hamu sian holong ni rohangKu, laing songon Au na mangolu hara ni holong ni roha ni Damang, angke Huihutkon do na niparentahonNia.

MATEUS 12:50

Halak na patuluskon na nipangido ni roha ni Damang na di banua ginjang i, i do kahanggingKu, i do ibotongKu, i do dainang.”

MASMUR 119:99

Marrohaan do au ulang pado angka gurungku, angke hupasari-sari do angka parentaMu.

MASMUR 119:130

Muda dipatorang, pangajaranMu mur tumangkas mangalehen hatorangan, mangalehen parbinotoan tu halak na oto.

PODA 14:8

Halak na marroha, denggan do tindakanna, angke dibotosa do sanga aha sibaenonna. Halak na oto, tindakanna pe oto do harana na paula-ula do ia mamoto.

PODA 10:25

Muda mangalantap topan, mago ma parjahat i, hape anggo halak na jujur sai malua do i.

PODA 12:7

Dumpang hadadabu do halak parjahat jana punjung, tapi halak na denggan hot do pomparanna.

MATEUS 7:25

Haru ro pe udan, magodang dohot aek, ro muse alogo na gogo manondong bagas i, nada ra rumpak bagas i angke di ginjang batu do i dipajongjong.

MATEUS 7:26

Dung i, halak na umbege hatangKu, tapi nada dipatulus ia, sarupa ma i tu halak na bodo na pajongjong bagasna di ginjang ni horsik.

MATEUS 16:18

Au pe Hudok ma tu ho, ‘Si Petrus’ do ho (artina ‘Batu na pir’). Di ginjang ni batu on ma pajongjongKu parlagutanKu na so tartaluhon; sanga na hamatean pe na ro i!

MATEUS 24:45

“Antong ise ma naposo na burju jana na marroha, na niangkat ni tuanna gabe kapala ni sude naposonia na asing i; anso dilehen ia mangan angka naposonia i di hatihana?

MATEUS 25:2

Lima halak ma i na oto, na lima nari na marroha.

MATEUS 25:4

Dioban si lima halak na marroha i ma lampu ni halahi tapi laing dioban halahi do miak managam betak sai hurang.

MATEUS 25:9

‘Inda tola!’ ninna bujing-bujing na marroha i mangalusi, ‘Harana gabe sude do hita annon hurangan miak. Tu kode ma tobusi hamu!’

SURAT NI SI PAULUS TU PARLAGUTAN ROM 2:13

Harana, nada hara ni na mamboto Tona i umbaen na tigor sada-sada halak adop Debata, tapi na patuluskon na nidok ni Tona i do na tardok tigor.