MATEUS 6:4 - BIBEL JAMITA NA DENGGAN

⁴ Indangkon pola adong halak na umbotoan i. Diida Amangmunu na di banua ginjang i do sanga aha na nibaenmunu di na so pamotoan ni halak. Jadi, lehenonNia ma upana di hamu.”

MATEUS 6:4 Referans Kwoze

MATEUS 6:18

Anso ulang pola diboto halak na puaso hamu. Tuk ma Amangmunu na so tarida i na umbotosa. Diida Ia do na nibaenmunu i haru pe so diboto halak na asing. Dung i lehenonNia ma upana tu hamu.”

MATEUS 6:6

Tapi muda martangiang ho, masuk ma tu bilik, kunci ma pintuna i. Disi ma ho martangiang tu Amangmu na so tarida i. Diida Ia do sanga aha na nibaenmu di na so pamotoan ni halak. LehenonNia ma upa ni i tu ho.

JEREMIA 17:10

Au do Tuhan na mandodo roha; Huuji do ate-ate ni jolma. BaloskononKu do tu ganop hombar tu pangalahona; jana Hubaen hombar tu pambaenanna.”

LUKAS 14:14

jadi martua ma ho hara ni i. Angke nada tarbalos angka halak na songon i denggan ni rohami. Harana angkon dapotan balosna ma ho di ari hangongot ni angka na tigor roha i.”

MASMUR 44:21

pasti diboto Ho do i, angke didodo Ho do sibunian ni roha.

JEREMIA 23:24

Sahalak pe nada adong na tarbaen buni sian parnidaanKu. Angke di sude inganan do Au adong: Di banua ginjang sanga di tano on.

LUKAS 8:17

Angke nada adong bagi aha na buni, na so haidaan muse, jana nada adong na simo na so diboto halak muse, angkon tarboto do i jana dipapatar.

1 SAMUEL 2:30

Au Tuhan Debata ni Israel, na dung Hujanjihon do najolo, horongmu dohot margamu do na giot parkobas di Au gabe malim sapanjangna. Tapi saonnari Au mandok, nada Huhagioti be na songon i! Angka na pasangapkon Au do na giot pasangaponKu tapi anggo na palayas Au, palayasonKu do.

JUDAS 1:24

Debata do na margogo manjagohon hamu, anso ulang tinggang, jana na pajongjongkon hamu di adopan ni hasangapanNia di bagasan jop ni roha, jana nada martihas.

IBRANI 4:13

Umpe sada sian na nitompa i na buni, na so niida ni Debata. Talak do sudena jana patar di joloNia. Jana angkon lehenonta do tuSia partanggungjawabanta.

MATEUS 10:42

Sanga ise na mangalehen minum, hum samangkuk aek ngali pe tu sahalak sian angka na menek on hara ni siihutkon Au halahi, angkon dapotan balos do halahi. Songon i ma satutuna!”

MASMUR 139:12

nada golap anggo di Ho hagolapan i, torang songon arian borngin i na torang dohot na golap nada adong di Ho imbar ni i.

HALUMBAAN 2:23

Angka halak na mangihutkon ia pe angkon Hubunu do anso laing torang diboto angka parlagutan i paboa na Au do na tuk mandodo pikiran dohot roha ni jolma. BaloskononKu ma tu hamu marguru tu pambaenanmunu be.

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

MASMUR 17:3

Ditanda Ho do rohangku; muda borngin ro do Ho pamanatkon au; hape anggo hata dohot hagiot na jat, nada dapot Ho sian au.

PODA 25:22

Marhite na songon i gabe maila ma ia dibaen ho jana pasupasuon ni Tuhan ma ho.

MATEUS 6:3

Tapi anggo hamu muda mangalehen silehenon, ulang pabotohon tu tangan siambirangmi na nilehen ni tangan siamunmi.