MATEUS 6:28 - BIBEL JAMITA NA DENGGAN

²⁸ Biasi pola angkon sai lomos rohamunu taringot tu pakean? Pamanat hamu ma jolo bunga-bunga na di padang-padang i. Nada markarejo halahi, nada martonun.

MATEUS 6:28 Referans Kwoze

MATEUS 6:25

Hara ni i, Hudok ma tu hamu! Ulang pola sak rohamunu taringot tu ngolumunu. Sanga aha ma panganon dohot inumonmunu, jala ulang pola sak rohamunu taringot tu pamatangmunu, sanga aha sipakeonmunu. Inda he ummarga hosa sian panganon? Inda he ummarga pamatang sian pakean?

PILIPPI 4:6

Ulang pola holoskon hamu sanga na aha. Sanga dia pe na masa, martangiang ma hamu jana pasahat hamu ma pangidoanmunu tu Debata. Sanga aha na porlu di hamu, paboa hamu ma i tongtong tu Debata mardongan roha na mandok tarimakasi.

LUKAS 12:27

Parrohahon hamu ma sanga na bia angka bunga singkut ari na tubu di padang-padang i, inda markarejo angka bunga-bunga i, nada martonun muse. Tapi Hudok ma di hamu, salang si Salomo di bagasan sude hasangapanna nada marabit ia songon jeges ni sada sian angka bunga i.

MATEUS 6:31

Ulang ma lomos rohamunu! Jana ulang ma dokkon hamu, ‘Aha ma naron panganonnami’, sanga, ‘Aha ma naron inumonnami’, sanga, ‘Aha ma naron pakeannami?’

LUKAS 3:11

Ning si Johannes ma mangalusi, “Halak na marbaju dua angkon lehenonnia ma sada tu halak na so adong bajuna; songon i muse halak nampuna sipanganon, angkon bagihononnia ma i tu halak na asing.”

MATEUS 10:10

Indangkon pola maroban kantongan hamu sanga abit duangkibung, sanga sipatu sanga tungkot. Harana, angkon mangan do halak na markarejo.

HOSEA 14:5

“Na manyimbil sian bangsongKu, Hubuat mangulahi, jana sian sandok rohangKu Huhaholongi; jana nada muruhanKu be halahi.

MATEUS 6:27

Ise ma sian hamu na tarbaen paginjangkon umurna, hum saotik pe, hara ni sak ni rohania lakna?

LUKAS 10:41

Dialusi Tuhan i ma, “O Marta, Marta! Mabahattu do dipasari-sari rohamu jana sude dihasusahon ho.

LUKAS 12:11

Muda dioban hamu tu angka bagas paribadatan anso diuhumi di jolo ni pamarenta sanga parkuaso, ulang ma humolos rohamunu taringot tu alusmunu, sanga pe taringot tu hata sidokkononmunu,

LUKAS 12:22

Dung i didok Jesus ma tu angka siseanNia, “I do umbaen na Hudok, ‘Ulang humolos rohamunu hara ni angka parngoluonmunu, i ma taringot tu sanga aha na giot panganonmunu annon, sanga aha na giot pakeonmunu annon.’

1 PETRUS 5:7

Pasahat hamu ma sudena holos ni rohamunu tu Debata, angke diparrohahon Ia do hamu.