MATEUS 6:26 - BIBEL JAMITA NA DENGGAN

²⁶ Ligi hamu ma jolo angka unggas na habang i pahae-pahulu. Nada manyabur same halahi, nada manyabi, nada adong palagutkon suha ni saba halahi tu talobat. Tapi haru pe songon i, dipahan Amangmunu na di banua ginjang i do halahi. Nada he dao dope ummarga hamu sian angka unggas i?

MATEUS 6:26 Referans Kwoze

MASMUR 147:9

Dilehen Ia do jampalan di pahan-pahanan, di anak ni sigawak na nguak-nguak.

JOB 38:41

Ise do na mangurupi unggas sigak na malean jana na pahae-pahulu marsioban dalanna manjalahi panganonna? Ise muse dehe na manolong muda pio-pio tu Au angka anakna mangido sipanganon?

MATEUS 6:32

Halak na so mananda Tuhan do na tongtong manggogo manjalahi na songon i. Hape nian diboto Amangmunu na di banua ginjang i do, sude na porlu di hamu.

MATEUS 7:9

Adong dehe sahalak sian hamu na mangalehen batu tu anakna muda dipangido anakna i roti?

JOB 35:11

Dilehen Debata do bisuk tu jolma i lobi sian unggas dohot binatang na adong di portibi.

MASMUR 50:11

Au do nampuna sude unggas na di awang-awang i, sude mahluk na mangolu na di halongonan i.

LUKAS 12:18

Songon on noma hubaen: Hubungkar ma sude angka gudang i jana hupajongjong ma na gumodang. Disi ma husimpan suha ni tanongki dohot sude ni artangku na asing i.

PAMUNGKAAN 6:21

Boan muse ma sude ragam ni panganon di ho dohot di angka binatang i.”