MATEUS 6:16 - BIBEL JAMITA NA DENGGAN

¹⁶ “Dung i muda puaso hamu, ulang ma markaremut bohimunu songon halak pangalancap. Mardalani ma halahi, gale-gale idaon. Hape anso diboto halak do na puaso halahi. Ingot hamu ma! Madung dijagit halahi do sude upa ni halahi.

MATEUS 6:16 Referans Kwoze

NEHEMIA 1:4

Umbege barita i, juguk ma au jana tangis. Sanga na piga ari lolotna sai tangis au. Torus do au puaso lalu martangiang tu Debata,

DANIEL 9:3

Dung i huadopkon ma bohingku tu Tuhan Debata lalu martangiang mangido huhut marpuaso. Jana mamake baju siluluton jana juguk di ginjang ni abuan.

LUKAS 18:12

Puaso do au dua noli di bagasan saminggu, jana hulehen do saparsampulu sian pangomoanku.’

MARKUS 2:18

Di sada hatiha topet puaso angka anak sisean ni si Johannes Pandidi dohot halak Parise. Jadi adong ma halak na ro tu Jesus manyapai, “Biasi puaso angka anak sisean ni si Johannes Pandidi dohot angka na mangihutkon halak Parise? Hape anggo angka anak siseanMu inda puaso?”

MASMUR 69:10

Huparkanciti do diringku marhite na puaso, hape habilean do na hujagit.

MASMUR 35:13

Dompak marnyae halahi, marsak do au jana nada mangan, martangiang au lalu paunduk simanjujung,

BAENON NI ANGKA RASUL 14:23

Diangkat si Paulus dohot si Barnabas ma di angka parlagutan i angka pangituai ni ganop parlagutan. Dung jolo martangiang dohot puaso, dipasahat halahi ma angka pangituai i tu Tuhan na nihaporsayaan ni halahi i.

MATEUS 6:5

“Muda martangiang hamu, ulang ma songon halak pangalancap. Na ringgasan halahi jongjong martangiang di angka bagas paribadatan dohot di sirpang-sirpang ni dalan, anso diida halak. Ingot hamu ma! Madung dijagit halahi upa ni halahi.

MATEUS 6:2

“Jadi muda dilehen hamu silehenon, ulang paboa-boa hamu i songon na nibaen ni angka halak pangalancap. Anggo halahi, tagi do mambaen na songon i di angka bagas paribadatan dohot di angka dalan godang, anso dipuji halak halahi. Ingot hamu ma! Madung dijagit halahi hian upa ni halahi.

ESTER 4:16

“Palagut ma sude halak Jahudi na di Susan anso martangiang salaho tu au. Ulang ma hamu mangan tolu ari tolu borngin lolotna. Au sandiri pe dohot angka bujing-bujing na mangoloi au laing puaso do. Dung sidung i, mangadop ma au tu raja i, haru pe mangalanggar undang-undang do i. Muda angkon mate ma au hara ni i, padiar ma mate au tusi!”

2 SAMUEL 12:16

Dung i ditangiangkon si Daud ma tu Tuhan anso malum dakdanak i. Puaso ma ia jana ganop borngin sai modom di lante ni biliknia ma ia sasaborngin.

MASMUR 109:24

Humitir totku hara ni na marpuaso; sibukku pe tinggal lohot holi-holi noma.

1 RAJA-RAJA 21:27

Dung sidung si Elia na mandok hata i, disibakkon si Ahab ma pakeannia lalu digonti ia ma dohot abit goni tanda ni na manyosal ia. Puaso ma ia jana modom pe laing marbaju goni ma ia jana muda mardalan, murhing ma torus bohinia.

2 KORINTUS 11:27

Mapukpuk holi-holingku, songon na so jungada mida ari na torang na markarejo i, jotjot mangkar mata au, na so mangan na so minum, huhul marpuaso do au, ngalian hara ni na hurang pakean jana nada adong bagas inganan.

1 KORINTUS 7:5

Ulang ma marsipadaoan halak na saripe, muda so sian tumbuk ni tahi sanga sadia lolotna, anso bisa hamu rap martangiang. Dung i mardomu ma hamu mangulahi, anso unang diuji Sibolis hamu, harana nada tahan hamu marpuaso.

LUKAS 2:37

mabalu ma ia torus mardangol salapan pulu opat taon honokna. Nada jungada ditadingkon ia Bagas Ni Debata. Arian na borngin disi sajo ma ia marsomba tu Debata martangiang dohot puaso.

MALEAKI 3:14

Didok hamu, “Nada adong gunana marsomba tu Debata. Aha ma he gunana taparate-atehon aha na angkon sikarejohonon maradopkon Ia jana mardalan mamake pakean paboa na marsak di adopan ni Tuhan Na Markuaso?

2 SAMUEL 12:21

Marnida i, gabe didok angka naposonia ma tusia, “Nada mangarti hami. Dompak mangolu dakdanak i, puaso raja i jana ditangisi raja i ia, hape disi jumolo dakdanak i, manigor jongjong ma raja i jana mangan!”

2 KORINTUS 6:5

hona loncing do hami, dihurung dohot didege halak; loja hami markarejo, jotjot inda modom jana inda adong sipanganon.

BAENON NI ANGKA RASUL 10:30

Dialusi si Kornelius ma, “Tolu ari na salpu, laing tarsongon on ma hatiha i pukul tolu arian, martangiang do au di bagaskon. Na so huambang-ambang ro ma sada bayo jongjong di jolongku. Marlinang noma idaon baju ni bayo i.

MATEUS 6:1

“Ingot hamu ma! Unang baen hamu na niwajibkon ni ugamo di jolo ni na bahat, anso diida halak hamu. Muda songon i do dibaen hamu, nada lehenon di hamu upa na sian Amangmunu na di banua ginjang i.”