MATEUS 5:5 - BIBEL JAMITA NA DENGGAN

⁵ Martua ma angka na lambok roha; dibaen teanon ni halahi do portibi on.

MATEUS 5:5 Referans Kwoze

MASMUR 37:11

Halak na serep marroha, i do nampuna tano, na mangarasoi dame dohot hasonangan na tarlobi.

JESAYA 29:19

Angka halak na pogos jana na lebak hilalaonna ma hatuaan na nilehen ni Tuhan, Debata Na Badia ni Israel.

JAKOBUS 3:13

Muda adong do sian hamu na marroha jana na burju, dipatuduhon ia ma i dohot ngolu na denggan bope dohot pambaenan na denggan mardongan hatoruhon ni roha dohot habisuhon.

MASMUR 149:4

Jop do roha ni Tuhan di bangsoNia, halak na toruk marroha dilehen Ia hamonangan.

GALATIA 5:23

martoruk ni roha jana tarrajaisa dirina. Nada adong uhum na mangalo angka aturan i.

JAKOBUS 1:21

Antong hara ni i, ambungkon hamu ma sude hasomalan na hodar dohot na jat. Jagit hamu ma di bagasan toruk ni roha Hata na nisuan ni Debata di bagasan rohamunu, angke margogo do Hata i laho paluahon hamu.

MASMUR 25:9

Diajari Tuhan do halak na toruk marroha, anso diihutkon halahi hagiotNia.

BILANGAN 12:3

Sada halak na toruk roha do si Musa, tumoruk do rohania sian sude jolma na adong di ginjang tano on.)

KOLOSSE 3:12

Antong hamu angka na dung dipuldit ni Debata, na diparbadia i jana na dihaholonginNia, pake hamu ma ibo ni roha, habasaron, toruk ni roha, lambok ni roha dohot hapohomon.

MATEUS 11:29

Ihutkon hamu ma na Hudok, marsiajar ma hamu tu Au! Angke na lambok do Au jana na serep marroha, jadi togar ma tondimunu.

EPESUS 4:2

Angkon martoruk ni roha do hamunu, lambok jana sobar. Patuduhon hamu ma holong ni rohamunu di na marsiurupan na sada tu na asing.

1 PETRUS 3:15

Tapi di bagasan rohamunu, parbadia i hamu ma Kristus songon Tuhan! Jana angkon singkop do hamu tongtong laho mangalusi sanga ise na manyapai hamu taringot tu pos ni rohamunu di angka na niarop ni rohamunu sian Tuhan.

ZEPANYA 2:3

Jalahi ma Tuhan, ale hamu angka na toruk roha di luat on, na mangoloi parentaNia; jalahi ma hatigoran, jalahi ma toruk ni roha; betak na adong dope di hamu parlinggoman di hatiha hamumuruk ni Tuhan.

TITUS 3:2

Dok tu halahi anso ulang adong na manilakoi sanga ise pe, tapi gumonan ma halahi basar jana burju. Marlambok ni roha ma halahi maradopkon halak sudena.

MASMUR 37:22

Sanga ise na nipasupasu ni Tuhan, i do na dapotan tano, hape anggo halak na niburaanNia, usiron do i kehe.

MASMUR 37:9

Angke agohonon do sanga ise na mambaen jahat, tapi anggo na mararop roha tu Tuhan, i do nampuna tano teanan.

1 PETRUS 3:4

Tapi na sian roha ma nian hajegesonmunu; umpamana halambohon dohot hadameon ni pangalaho; i do hajegeson na manongtong na mararga situtu di parnidaan ni Debata.

JESAYA 11:4

Markite-hite hatigoran do ditimbang ia parkaro ni halak na pogos; diondihon ia hak ni halak na gale lopus dapot, halak parsala diuhumi hara ni parentania, halak na jahat dipusa ia.

MASMUR 25:13

Sai na mardame do ngoluna, tano pusako teanon ni anak maradu pahompuna.

1 TIMOTEUS 6:11

Tapi anggo ho, halak ni Debata do ho, jadi angkon mandao do ho sian i sudena. Parayak ma anso halak na bonar ho di parnidaan ni Debata, jana na mangoloi tu Debata boti na porsaya tu Kristus, na marholong ni roha, sobar dohot marlambok ni roha.

MASMUR 69:32

Marjop ni roha ma na dangol, marnidasa margodang ni roha ma halak na manyomba Debata.

MASMUR 37:29

Halak na daulat do nampuna tano teanan, jana manginganisa sapanjangna.

MASMUR 37:34

Tu Tuhan ma mararop roha jana oloi ma parentaNa, gabe angkatonNia ma ho, jana baenonNia gabe nampuna di tano teanan; idaonmu ma parjahat dibaen marmorotan.

2 TIMOTEUS 2:25

Angkon ajaranna halak na sai mangalo mardongan halambohon; ibo nian roha ni Tuhan, sai dilehen ma di halak na songon i hatiha na denggan paubahon rohana sian angka dosa ni halahi dohot mananda pangajaran na tutu.

SURAT NI SI PAULUS TU PARLAGUTAN ROM 4:13

Dijanjihon Debata do tu si Abraham dohot tu pomparannia, gabe nampuna ni si Abraham ma tano on. Marjanji pe Debata songon i, nada hara ni si Abraham na mangoloi Tona i, tapi hara ni na porsaya do ia gabe dijagit ma ia songon halak na tigor.

MASMUR 147:6

Diangkat Ia halak na hona sosak, tapi anggo parjahat ditombomkon Ia tu tano.

MATEUS 21:5

“Dokkon ma tu boru Sion, Ligi ma, ma ro Rajamu manopot ho saonnari. Na serep roha do Ia, jana mangalombut halode, sada halode jara-jara.”

JESAYA 60:21

Tigor noma angka na mangingani ho di tindakanna, jana halahi nampuna luat i salolot-lolotna. Songon hayu cangkokan na Husuan sandiri do halahi, anso torang tarida hagodanganKu.

JESAYA 61:1

Dirajai Tondi Ni Tuhan Debata i ma au; dipili jana disuru Ia au, laho maroban jamita na denggan tu halak na pogos dohot na lebak, jana pamalumkon halak na magopu rohana; laho pabotohon tu halak tahanan paboa na tibu noma halahi dapotan haluaan, dohot tu angka jolma na di hurungan bahaso halahi na dung mardeka.

MASMUR 22:26

Marmanganan ma halak na pogos lopus butongan, halak na manjalahi Tuhan, pujionna ma Ia. Sai anggiat ma halahi tongtong sonang ro di salolot-lolotna.