MATEUS 5:39 - BIBEL JAMITA NA DENGGAN

³⁹ Tapi saonnari Au mandok di hamu: Ulang ma alo hamu halak na mambaen na so denggan tu hamu. Tapi sabalikna do! Muda ditampeleng halak hurummu siamun, laing tarehon ma ditampeleng ia hurummu siambirang i.

MATEUS 5:39 Referans Kwoze

1 TESSALONIKA 5:15

Jagohon hamu ma anso ulang adong sanga ise na mambaloskon hajahatan dohot hajahatan. Usahohon hamu ma anso tarbaen hamu na denggan sama hamu bope tu halak sudena.

1 PETRUS 3:9

Ulang ma baloskon hamu hajahatan alo ni hajahatan, sanga hata na panyaor-nyaorkon; tapi pasupasu ma pangidohon hamu balos ni i sian Debata tu halahi. Angke anso manjagit pasupasu do hamu umbaen na nipiohon ni Debata hamu.

PODA 20:22

Ulang nibaloskon hajahatan. Nihaporsayaan ma Tuhan, anso Ia paturehon.

ANDUNG 3:30

Haru pe dibalbal dohot hona hata, laing hita jagit ma da i sasudena.

HAMALIMON 19:18

Ulang baloskon na jat sanga tu ise pe sanga magigi ho tusia, tapi haholongi ma donganmu songon pangkaholongimu di dirimu sandiri. Au do Tuhan.

PODA 24:29

Ulang dokkon, “Giot baloskononku tusia sanga aha na nibaennia tu au!”

JESAYA 50:6

Hulehen do tanggurungku tu halak na mambalbali au, jana bohingku tu halak na mangumpat janggutku. Nada hutabunihon bohingku hatiha dipalayas sanga ditijuri au.

1 KORINTUS 6:7

Ulang be nidok kehe marparkaro tu halak na so Kristen; hum parsalisian di tonga-tongamunu pe madung gabe hataluan i di hamu. Gumonan ma taon hamu pambaenan na jat i sanga dirugihon hamu!

JAKOBUS 5:6

Diuhum jana dibunu hamu do angka halak na so marsala, hape nada mangalo halahi tu hamu.

JOB 16:10

Maradu ngangang pamangan ni halak mangincahi au; marrongom mambalbal au jana ditampeleng dohot hurumku.

IBRANI 12:4

Angke di paraloanmunu mangalo dosa i, nada jabat dope lopus tiris mudarmunu.

LUKAS 22:64

Dibulang halahi ma mataNa i jana disapai halahi ma Ia, “Paboa ma jolo sanga ise do na mambalbali Ho?”

1 RAJA-RAJA 22:24

Jadi ro ma tu jolo si Zedekia anak ni si Kenaana mandonohi Panurirang Mika dipastap ia ma bohina i jana didok ia ma, “Mamungka sadihari lakna ditadingkon Tondi Ni Tuhan au laho mandok hata tu ho?”

MIKA 5:1

Tapi anggo ho, ale Betlehem Efrata, ho ma sada kota na ummenek di Juda! Hape sian ho ma giot pabangkitonKu sada halak na markuaso di Israel na marasal mula sian narobi.

MATEUS 5:40

Muda diaduhon halak hamu tu paruhum laho mambuat bajumu, lehenkon muse ma dohot baju jubami disia.

LUKAS 6:7

Tangkas ma diparrohahon deba Siboto Surat dohot halak Parise sanga na dipamalum Jesus do na marnyae i di Ari Sabat. Angke na manjalahi hasalaan ni Jesus do halahi anso taraduhon halahi Ia.

JOHANNES 18:23

Dialusi Jesus ma, “Muda adong Hudokkon na sala, paboa ma jolo antong dison sanga aha hasalaanKi! Tapi muda tutu do na Hudokkon i, biasi manampelengi ho tu Au?”