MATEUS 5:31 - BIBEL JAMITA NA DENGGAN

³¹ “Adong muse do pangajaran songon on: Ganop halak na manyirangkon dadaboruna, angkon lehenonnia do surat sirang tusia.

MATEUS 5:31 Referans Kwoze

JEREMIA 3:1

Didok Tuhan, “Muda disirangkon halaklahina sada dadaboru, lalu marbagas anak boru i tu bayo na asing, nada tola be halaklahina i humani mambuat dadaboru i mangulahi gabe ripena, angke pasego-segohon do pangalaho na songon i di luat on. Antong ho ale Israel, madung bahat sajo haholongan ni rohamu, biasi dope puluk ho mulak tu Au?

MATEUS 19:7

Dung i disapai halak Parise i ma mangulahi tuSia, “Antong anggo songon i, biasi disuru si Musa halak mangalehen surat sirang tu dadaboru na giot sirangkonon? Na he na manyirangkon dadaboruna do muda na songon i?”

MATEUS 19:3

Jadi ro ma da halak Parise laho manjalak-jalahi hasalaanNia. Disapai halak Parise i ma Ia, “Diisinkon Tona ni ugamonta dehe manyirangkon boru roha-rohaniba sajo?”

MALEAKI 2:16

“Huhagigihon do parsirangan,” ninna Tuhan Debata ni Israel. “Goyak do rohangKu muda adong sahalak sian hamu na mambaen songon i jungkatna maradopkon dongan saripena. Manat ma hamu, ulang langgar hamu janjimunu na mandok burju tu dongan saripena.”