MATEUS 5:28 - BIBEL JAMITA NA DENGGAN

²⁸ Tapi anggo saonnari Hudok tu hamu: Muda adong halak na midaan dadaboru, gabe impol rohania, na dung markarosuan do ia dohot anak boru i di bagasan rohania.

MATEUS 5:28 Referans Kwoze

1 JOHANNES 2:16

Sasudena na adong di portibi on na nihalungunkon ni jolma – i ma sasude hagiot ni sibuk, hagiot ni mata dohot na pagodangkon dirina – nada sian Debata haroroan ni angka na songon i, tapi sian portibi on do.

PODA 6:25

Ulang dihagioti rohamu hajegeson ni halahi, jana ulang tartarik rohamu baenon ni pangkidop ni matana.

HARURUAR 20:17

Ulang impol rohamu di bagas ni donganmu jolma; ulang impol rohamu di dadaborunia, bope naposona bope lombuna bope halodena, bope di sanga aha nampuna ni donganmu jolma.”

2 SAMUEL 11:2

Sanoli andospotang, dung ngot si Daud sian na modom, kehe ma ia tu tarup ni bagas godang na hornop i. Diida ia ma sian i sada anakboru na topet maridi, jana sun jeges ni anakboru i.

JOB 31:1

Marjanji do au mardongan sumpa na so ro be rohangku di bujing-bujing na poso muda huida.

PAMUNGKAAN 34:2

Di na niida ni si Sikem anak ni si Hemor halak Hewi i, i ma raja ni luat i si Dina, dilojongkon ia ma anak boru i, dipaksa ia ma mambaen na so ture.

2 PETRUS 2:14

Angke na so marnaloja do halahi mambaen dosa, jana mangaligi dadaboru ma giot ni halahi dohot mata na sai giot markamainan. Jana sanga ise na gale haporsayaanna, hona jorgong ma i baenon ni halahi. Madung somal roha ni halahi di angka hagiot na so denggan. Angka jolma na hona bura do halahi!

JOB 31:9

Sugari rupani na jungada por rohangku mida na nibuat ni hombar bagasku, jana martabuni au manungkirisa sian balik ni pintu,

SURAT NI SI PAULUS TU PARLAGUTAN ROM 7:14

Angke madung taboto, partondion do Tona i, tapi anggo au pardagingon do, na targadis gabe hatoban ni dosa.

MASMUR 119:96

Marujung be do huida sandok na singkop, hum parentaMu do na sanggam.

MATEUS 5:39

Tapi saonnari Au mandok di hamu: Ulang ma alo hamu halak na mambaen na so denggan tu hamu. Tapi sabalikna do! Muda ditampeleng halak hurummu siamun, laing tarehon ma ditampeleng ia hurummu siambirang i.

MATEUS 5:22

Tapi anggo saonnari Au mandok di hamu, sanga ise na marmilas ni roha tu donganna, angkon diuhumi do; barang ise na mandok tu donganna, ‘Raka’ (artina ‘Si soada’), hona uhum di jolo ni Mahkamah Ugamo; dung i barang ise na mandok tu donganna, ‘Si naoto’, tama ma ia diambungkon tu api naroko.

HAMALIMON 18:20

Ulang marcampur dohot dadaboru ni halak na asing, pangalaho na songon i mambaen ramun ho.

PANGARATAION 22:22

Muda tardapot sada halaklahi hatiha marcampur dohot dadaboru ni halak na asing angkon mate niuhuman do i dua-dua. Songon i ma dalanna baenonmunu mangagohon hajahatan i.

JEHESKIEL 23:16

Disi diida si Oholiba angka gambar i, manigor gintal ma hagiotnia jana ditongos ia ma ontang-ontang tu angka perwira i di Babel.

MATEUS 15:19

Harana sian roha i do haroroan ni angka pikiran na jat, gabe mamunu jolma, mangalangkup, mambaen na so ture, manangko, margabus, dohot na manilakoi.