MATEUS 5:11 - BIBEL JAMITA NA DENGGAN

¹¹ Martua ma hamu muda diincahi jana diayak-ayak halak hamu, jana dipardok halahi ragam-ragam na jat na so tutu adop hamu hara ni Au.

MATEUS 5:11 Referans Kwoze

1 PETRUS 4:14

Na maruntung do hamu muda dipabile halak hamu songon sada siihutkon Kristus. I ma tandana paboahon na maruli Tondi na sangap hamu, i ma Tondi Parbadia.

LUKAS 21:17

Sude ma halak margoyak ni roha tu hamu hara ni goarKu.

MARKUS 13:13

Sude ma halak margoyak ni roha mida hamu hara ni Au. Tapi sanga ise na tahan lopus tu ujungna, i do na dapotan haluaon.”

MATEUS 24:9

Dung i ditangkupi ma hamu, dipasahat ma tu parkancitan anso dibunu. Goyak ma roha ni halak na satano on mida hamu hara ni goarKu.

LUKAS 6:22

Martua ma hamu muda goyak roha ni halak mida hamu jana nada dijagit hamu, boti dipalayas-layas jana didok halak na jahat hamu, hara ni Anak Ni Jolma i!

1 PETRUS 2:23

Di na hona incak Ia, nada mangincahi Ia mambaloskon. Dompak na niparkancitan i Ia, nada mangondam Ia; tapi dipasahat Ia do parkaroNia i tu Debata, Panguhum na tigor i.

JOHANNES 15:21

Baenon ni halahi ma sudena i tu hamu, hara ni na siseanKu hamu harana nada ditanda halahi sanga ise na marsuru Au.

MATEUS 10:22

Goyak ma roha ni halak sude mida hamu hara ni Au. Tapi na torus tahan lopus tu ujungna, i do na giot paluaon.

JESAYA 66:5

Tangihon hamu ma sanga aha na nidok ni Tuhan, hamu ale angka na mabiar dohot na burju mangoloi Ia, “Dibaen setia do hamu tu Au, gabe sihagigian ma hamu di deba sian bangsomunu sandiri jana nada ra halahi margaul dohot hamu. Pacia-ciaon ni halahi ma hamu mandok, ‘Sai dipatidahon Tuhan nian hagodanganNia jana dipalua hamu anso tarbaen hami dohot marnida hamu marjop ni roha.’ Tapi halahi sandiri do nian na giot pailaon.

MATEUS 10:39

Sanga ise na giot pajolohon haporluan ni ngoluna sandiri, angkon magoan ngolu. Tapi halak na magoan ngolu hara ni Au, halak sisongon i do na dapotan ngolu.”

HALUMBAAN 2:3

Huboto do na sobar hamu dohot na manaon parkancitan hara ni goarKu, hape laing nada pola mandele hamu.

MATEUS 19:29

Angke sanga ise na maninggalkon bagasna, sanga kahanggina, sanga ibotona, sanga pe inangna dohot amangna, sanga dakdanakna, sanga sabana hara ni Au, saratus lompit ma jagiton ni halahi mangulahi. Nilehen muse dope disia hangoluan na so mantak.

2 KORINTUS 4:11

Salolot mangolu hami, sai tongtong do mangondam hamatean i tu hami hara ni Jesus, anso tarpataridahon muse ngolu ni Jesus di pamatangnami na ra mate on.

1 KORINTUS 4:10

Gabe angka na oto do hami hara ni Kristus jana hamu angka na malo dibagasan Kristus! Hami angka na gale, hamu na gogo! Hami diincahi, anggo hamu dipapuji-puji!

SURAT NI SI PAULUS TU PARLAGUTAN ROM 8:36

Songon na tarsurat i, “Hara ni Ho di bagasan parmaraan do hami sasadari, nietong do hami songon biri-biri sisambolon.”

LUKAS 21:12

Tapi taran so tarjadi dope i sudena, tangkupon ma hamu jana parkancitan. Adilan ma hamu di angka bagas paribadatan jana dipamasuk ma hamu tu hurungan. Jana saraton ma hamu tu jolo ni angka raja dohot angka parkuaso hara ni goarKu.

LUKAS 9:24

Harana agoan ngolu do sanga ise na giot mampartahankon ngoluna. Tapi halak na agoan ngolu hara ni Au, i do na dapotan ngolu.

MARKUS 8:35

Angke anggo halak na giot mampartahankon ngoluna, gabe agoan ngolu do. Tapi anggo halak na mangalehen ngoluna hara ni Au dohot hara ni Jamita Na Denggan i na sian Debata, i do na paluahonsa.

MATEUS 10:25

Muda sarupa sada sisean dohot guruna jana sada naposo dohot tuanna, sapatutna madung tuk songon i di halahi. Muda digoari halahi nampuna bagas i si Beelsebul, mur ma halak na sabagas i. Goar na jumatjat noma dokkonon ni halahi.”

BAENON NI ANGKA RASUL 9:16

Jana patuduhononKu do tusia angka sitaonon na giot taononnia hara ni Au.”

MASMUR 44:22

Hara ni Ho sai torus do hami tarancam mate, jana dibaen songon biri-biri sisambolon.

MARKUS 13:9

Angkon jamot do hamu, angke tangkupon do hamu, obanon tu rapot ugamo. Dibalbali halahi ma hamu di angka bagas paribadatan. Obanon ma hamu mangadop tu jolo ni angka parkuaso dohot raja-raja hara ni Au. Anso gabe hasaksian ma i taringot tu goarKu di halahi sude.

MATEUS 27:39

Mopeng-openg ma ulu ni halak na mamolus disi mangincahi Jesus.

MARKUS 4:17

Tapi nada jabat bagas dope di roha ni halahi, gabe nada tahan honok disi. Muda masa hasusaan sanga siksaan hara ni hata i, manigor marbalik ma halahi.

MATEUS 10:18

Boanon ni halahi ma hamu tu jolo ni angka parkuaso dohot tu jolo ni raja-raja hara ni na mangihutkon Au. Jana i ma hatiha hadenggananna di hamu laho manyaksihon Au tu halahi dohot tu halak na so mananda Debata dope.

JOHANNES 9:28

Dung i muruk ma halahi tusia ninna halahi ma, “Ho do sisean ni i; anggo hami nada! Sisean ni si Musa do anggo hami.

MASMUR 35:11

Marsaksi do halak na jahat manudu au, salaho tu parkaro na so hupaboto-boto.

JESAYA 25:8

AbiskononNia ma hamatean ro di salolot-lolotna! Apusan ni Tuhan Debata ma ilu-ilu sian ganop mata, jana padaoonNa habilean na nitanggung ni halakNia di sude portibi on. Madung didok Tuhan i songon i, angkon tulus do i tarjadi.

JESAYA 51:7

Tangihon ma Au, ale hamu angka na umboto hasintongan, ale bangso na manyimpan pangajaranKu di bagasan rohamu! Ulang mabiar hamu muda dipabile jolma, jana ulang tarsonggot muda diincahi halahi.

JEREMIA 37:14

Hualusi ma, “Nada tutu i! Nada adong maksudku laho kehe tu pihak ni musu i.” Tapi nada ditangihon si Jeria. Ditangkup ia do au jana dioban ia ma au mangadop tu jolo ni angka pajabat ni pamarenta.

PILIPPI 1:29

Angke nada hum dalan mangkaporsayai Kristus na nilehen ni Debata tu hamu, tapi dohot do dalan tu parkancitan hara ni Kristus.