MATEUS 4:25 - BIBEL JAMITA NA DENGGAN

²⁵ Bahat sajo do halahi na mangihutkon Jesus di hatiha i – adong na ro sian Galilea, adong ma i na ro sian Luat Dekapolis (artina Sampulu Kota), adong na sian Jerusalem dohot sian Judea. Adong dope na ro sian luat na di ipar ni Batang aek Jordan.

MATEUS 4:25 Referans Kwoze

LUKAS 6:17

Dung i manuat ma Jesus sian dolok i rap dohot angka rasul i, maradian ma halahi jongjong di sada inganan na hornop. Adong muse do disi angka anak siseanNia na asing songon i muse angka halak na marroan sian Judea, sian Jerusalem dohot na sian Tirus dohot Sidon dohot sian angka kota na di topi laut.

MARKUS 5:20

Jadi kehe ma bayo i. Dipungka ia ma paboahon di Luat Sisampulu Kota, sude sanga aha na nibaen ni Jesus tusia. Homang ma roha ni halak sude na mambegesa.

MARKUS 7:31

Dung i ditinggalkon Jesus ma Luat Tirus mangulahi, dipatorus Ia ma pardalananNia sian Sidon laho tu Dano Galilea. Mangaliati ma Ia sian Luat Sisampulu Kota.

LUKAS 6:19

Sude halak na disi marusaho be laho manjama Jesus, harana adong do kuaso na haruar sian pamatangNia na pamalumkon halahi.

MARKUS 6:2

Mamungka ma Ia mangajari di Ari Sabat di bagas paribadatan. Bahat do halak na ro disi. Jadi hatiha na mangajari i Jesus, homang ma roha ni halahi. Didok halahi ma, “Sian dia do diboto Ia sudena i? Hamaloon na bia do na diSia i? Na bia do umbaen na malo Ia mambaen hahomangan i?

MATEUS 19:2

Bahat do halak mangihutkon Ia. Dipamalum Ia do sude halahi disi.

MATEUS 12:15

Diboto Jesus do na jahat roha ni halak Parise i maradopkon Ia. Dipamalum Ia ma sanga ise sian halahi na marnyae.

MATEUS 8:1

Dung mijur Jesus sian dolok i, bahat do halak mangihutkon Ia.

MATEUS 5:1

Dung diida Jesus bahat ni halak i, manangkok ma Ia tu sada dolok. Juguk ma Ia disi. Dung i marroan ma anak siseanNia i tu lambungNia.

MATEUS 4:15

“Tano Zebulon dohot Naftali, i ma dalan laho tu laut, di ipar ni Batang aek Jordan, Galilea i ma inganan ni na so halak Jahudi!