MATEUS 4:24 - BIBEL JAMITA NA DENGGAN

²⁴ Tarbonggal do Jesus lalu tu tano Siria sude, gabe bahat ma marroan halak tuSia. Diparobani halak ma angka na marnyae dohot halak na marragam rupa hasusaanna. Adong ma i na hona begu, adong na solpoton, adong na pangpangon. Sude halahi dipamalum Jesus.

MATEUS 4:24 Referans Kwoze

MATEUS 17:15

Didok ia ma hatania, “Ibo ma jolo rohaMu mida anakku! Solpoton do ia jana marhancit situtu. Muda hatiha di panombona i jotjot madabu ia tu api sanga tu aek.

MATEUS 8:6

“O, Tuan,” ninna tentara na pangkat i, “marnyae do naposongku di bagas. Modom sajo do di podoman. Onyangon hancit sajo.”

LUKAS 5:15

Tapi mur tarbarita ma taringot tu Jesus, bahat muse ma halak marroan manangihon Ia, songon i muse na mangido hamalumon sian nyae ni halahi be.

LUKAS 2:2

On ma pandaftaran na parjolo dompak si Kirenius na gubernur di Siria.

MATEUS 17:18

Gabe dipaorot Jesus ma setan i sian dakdanak i. Morot ma setan i, gabe manigor malum ma dihilala dakdanak i.

MATEUS 15:22

Jadi ro ma sahalak boru Kanaan sian luat i mandapotkon Jesus. Pio-pio ma ia, “O, Tuhan anak ni si Daud, ibo ma rohaMu mida au! Hona setan borungku. Ma hancit sajo!”

MATEUS 12:22

Dung i adong ma halak na maroban sahalak na mapitung boti na ngungu muse tu Jesus. Na hona setan do bayo i. Dipamalum Jesus ma ia gabe tarbaen ma mangkatai jana marnida mangulahi.

BAENON NI ANGKA RASUL 10:38

Diboto hamu do, na dung dipili Debata do Jesus halak Nasaret i, jana dilehen tuSia Tondi Parbadia dohot kuaso. Laing diboto hamu do, na dung mardalani Jesus i tudia-tudia mambaen na denggan; dipamalum Ia sudena halak na nitaluhon ni Sibolis, angke didongani Debata do Ia.

BAENON NI ANGKA RASUL 15:23

Laing maroban surat do halahi na nisuru i, songon on ma hata ni surat i, “Mandapotkon angka dongan na porsaya na marasal sian bangso na asing na so Jahudi, na maringanan di Antiokia, di Siria dohot di Kilikia. Tabe ma di hamu sian donganmunu, i ma angka rasul dohot angka pangituai.

MARKUS 2:3

Hatiha mangkobari Jesus, ro ma opat halak tuSia maroban sada halak na onyangon.

MARKUS 1:32

Potang arina i dung lusut mataniari, diparobani halak ma tu Jesus sude halak na marnyae dohot angka na hona setan.

MATEUS 4:23

Dung i dibolus Jesus ma sude Luat Galilea. Mangajari ma Ia di angka bagas paribadatan ni halahi. Dijamitahon Ia ma Jamita Na Denggan taringot tu Harajaan Ni Debata. Dipamalum Ia ma angka na marnyae dohot halak na markahurangan.

HARURUAR 15:26

Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”

BAENON NI ANGKA RASUL 15:41

Didalani halahi ma Siria dohot Kilikia; dipatogu halahi ma roha ni angka parlagutan na disi.

LUKAS 4:14

Dung i mangulahi ma Jesus tu Galilea. Jana gok Tondi do Ia, gabe tarsar ma barita taringot tuSia di luat i sude.

MARKUS 1:28

Gabe manigor tarbonggal ma barita taringot tuSia tu sude Luat Galilea.

MATEUS 14:1

Jadi hatiha i tarbege ma tu si Herodes, gubernur ni Galilea taringot tu Jesus.

1 JUJUR TAON 14:17

Gabe tarbonggal ma goar ni si Daud sun ro di dia, jana mabiar ma dibaen Tuhan sandok bangso tu si Daud.

1 RAJA-RAJA 10:1

Madung tarbege tu ratu na sian Seba taringot tu hagodangan ni si Salomo. Jadi ro ma ia tu Jerusalem laho manguji si Salomo markite-hite sapa-sapa na maol-maol.

1 RAJA-RAJA 4:31

Tutu do, ia do na ummalo sian sude jolma, lumobi dope sian si Etan halak Esrahi, si Heman, si Kalkol dohot si Darda, i ma angka anak ni si Mahol. Tarbonggal do goar ni si Salomo sun tu dia di angka luat na humaliang harajaannia.

JOSUA 6:27

Didongani Tuhan do si Josua, jana tarbonggal situtu ma goar ni si Josua di sandok luat i.

JOHANNES 10:21

Tapi adong muse do na mandok, “Anggo halak na hona setan, dia ma tarhatahon Ia na songon i! Dia ma tarbaen setan halak na mapitung gabe marnida?”

MATEUS 9:35

Songon i ma Jesus mardalani sian kota na sada tu kota na asing, sian huta na sada tu huta na asing. Mangajari ma Ia di angka bagas paribadatan. Dibaritahon Ia ma Jamita Na Denggan taringot tu Harajaan Ni Debata. Dipamalum Ia ma ragam-ragam ni nyae dohot sitaonon ni halak na mardangol.

MATEUS 9:26

Jadi tarbonggal ma barita na masa i di na saluat i.

MATEUS 8:28

Lalu ma Jesus tu ipar ni dano i, i ma di Luat Gadara. Jadi ro ma dua halak na hona setan mangalo-alo Ia. Jana manggasa-gasa ma idaon na dua i sian liang ni kuburan na disi. Nada adong halak na puluk mamolus sian i.

2 SAMUEL 8:6

Dung i dipajongjong si Daud ma angka parbandaran ni tentarania di luat ni halahi i jana gabe angka pangoloinia ma halahi na manggarar pajak tu si Daud. Sai dilehen Tuhan do hamonangan tu si Daud sanga na di dia pe ia marporang.

1 JUJUR TAON 29:2

Madung nian hupasingkop angka bahan tu bagas i intap ni gogongku. Madung hupasingkop sere, perak, tumbaga, bosi, hayu, angka batu sigodang arga dohot angka batu intan, angka batu na martompa marragam rupa baen parhiasan dohot batu marmar bahat sajo.

MATEUS 8:33

Marlojong ma angka parmahan babi i tu kota laho paboahon na masa i dohot taringot tu bayo na dua na hona setan i.

MARKUS 2:4

Tapi hara ni bahat ni jolma i, gabe nada tarbaen siopat halak i be maroban na onyangon i donok tu Jesus. Jadi, dibungkar halahi ma tarup ni bagas i di ginjang ni juguhan ni Jesus. Dung i, ditantan halahi ma na onyangon i, di lagena i.

MARKUS 2:9

Dia do gumonan mandok tu na onyangon on, ‘Madung disesa sude dosamu’ sanga mandok, ‘Jongjong ma ho, oban lagemi, mardalan ho?’

LUKAS 4:38

Ditinggalkon Jesus ma bagas paribadatan i, kehe ma Ia tu bagas ni si Simon. Topet marun nantulang ni si Simon, jana dipaboa halak ma i tu Jesus.

LUKAS 5:24

Tapi anso diboto hamu, na markuaso do Anak Ni Jolma i di tano on manyesa angka dosa.” Dung i didok ma tu na pangpang i, “Au mandok tu ho, jongjong ma ho, oban ma podomanmi, mulak ma ho tu bagasmu!”

BAENON NI ANGKA RASUL 8:7

Harana marruaran ma angka tondi na jahat sian bahat halak, mangangguhi marsora na gogo. Halak na onyangon pe dohot na matimpang laing bahat do na dipamalumsa.

LUKAS 7:17

Tarbonggal ma barita taringot tu Jesus di sude Luat Judea dohot di luat na humaliang i.

BAENON NI ANGKA RASUL 28:9

Jadi hara ni i, marroan ma sude halak na marnyae di pulo i mandapotkon si Paulus jana dipamalum ia ma halahi.