MATEUS 4:20 - BIBEL JAMITA NA DENGGAN

²⁰ Manigor ditinggalkon halahi ma jala ni halahi i, diihutkon halahi ma Jesus.

MATEUS 4:20 Referans Kwoze

MATEUS 19:27

Jadi didok si Petrus ma, “Ligi ma, ma hami tinggalkon sasudena laho mangihutkon Ho. Gabe aha ma sijagitonnami?”

MASMUR 119:60

Huompoti nada pola hupalalap laho mandalankon parentaMu.

1 RAJA-RAJA 19:21

Jadi gabe mulak ma si Elisa tu ladangnia i, disamboli ia ma angka lombunia i. Diparsoban ma hayu pasanganna i laho mangalompa juhut ni angka lombu i. Dung i dibagi-bagihon si Elisa ma juhut i tu angka dongannia i jana dipangan halahi ma. Dung salpu i, kehe ma si Elisa mangihutkon si Elia jana gabe pangurupinia ma ia.

GALATIA 1:16

Dipatidahon Debata do AnakNia i tu au jana markite-hite au anso nijamitahon Jamita Na Denggan taringot tu AnakNa i tu halak na so Jahudi. Nada pola mangido tahi au sanga na tu ise disi.

MATEUS 10:37

Halak na humolongan rohana mida amangna sanga inangna ulang mida Au, nada tumbuk halak sisongon i di Au. Songon i muse halak na humolongan rohana mida anakna sanga boruna ulang mida Au, nada tumbuk halak sisongon i gabe siihutkon Au.

MATEUS 4:19

Didok Jesus ma tu halahi, “Beta, ihutkon hamu Au, baenonKu ma hamu sijala jolma.”

MATEUS 4:21

Didatdati Jesus ma na mardalan i. Diida Ia ma dua halak nari na markaha-maranggi, i ma si Jakobus dohot si Johannes anak ni si Zebedeus. Na topet rap do halahi dohot amang ni halahi paturehon jala di bagasan parau i. Dipiohon Jesus muse ma halahi.

LUKAS 5:11

Ditarik halahi ma parau i tu topi, ditinggalkon halahi ma i sude laho mangihutkon Jesus.