MATEUS 3:17 - BIBEL JAMITA NA DENGGAN

¹⁷ Dung i tarbege ma sora sian langit na mandok, “On do AnakKu Na Huhaholongi, jop do rohangKu mida Ia.”

MATEUS 3:17 Referans Kwoze

JESAYA 42:1

“Ligi, indu do naposongKu na Hutiop, naposo todoan ni rohangKu, lomo do rohangKu disia. Madung Hulehen kuasongKu tusia, laho maroban hatigoran tu angka bangso sudena.

MATEUS 17:5

Dompak na mandok hata i si Petrus, dihaliangi ombun na torang situtu ma halahi. Dung i adong ma sada sora sian ombun i na mandok, “On ma AnakKu na Huhaholongi, na pasonangkon rohangKu. Tangihon hamu ma Ia!”

MASMUR 2:7

Didok Tuhan i, “Hupabotohon pe sanga aha na nitotopkon ni Tuhan. Ning Ia do tu au, ‘AnakKu do ho, sadari on ma Au gabe Amangmu.

2 PETRUS 1:17

Dohot do hami disi di na nilehen ni Debata Ama i diSia hamuliaan dohot hasangapan i. Tarbege do di hatiha i sora sian Na Sun Marmulia i mandok songon on, “On do Anak haholonganKu; jop do rohangKu mida Ia!”

LUKAS 9:35

Dung i tarbege ma sian ombun i sada sora na mandok, “On ma AnakKu na Hutodo i. Tangihon ma Ia!”

MATEUS 12:18

“Ligi ma suruanKu na Hutodo i, haholongan ni roha na pajopkon rohangKu. TuSia ma lehenonKu tondingKu, dung i jamitahononNia ma tona tu angka bangso.

MARKUS 9:7

Dung i ro ma ombun mangkolipi halahi, jana tarbege muse ma sora sian ombun i mandok, “On ma AnakKu, na Huhaholongi, tangihon ma Ia!”

LUKAS 3:22

jadi mijur ma Tondi Parbadia tuSia songon darapati. Dung i tarbege ma sora sian banua ginjang na mandok, “Ho do Anak haholonganKu. Jop do rohangKu mida Ho.”

MARKUS 1:11

Dung i tarbege ma sada sora sian langit mandok, “Ho do Anak haholongan ni rohangKu. Tu Ho ma Jop ni rohangKu.”

KOLOSSE 1:13

Madung dipalua Ia hita sian kuaso ni hagolapan jana dipaimbar Ia hita tu bagasan kuaso ni pangarajaion ni Anak haholonganNia i.

EPESUS 1:6

Pinuji ma Debata hara ni hadengganan ni rohaNia na songon i godang na nipabotohonNia tu hita mardapot-dapot markite-hite Anak haholonganNia i.

JESAYA 42:21

Tuhan marpor ni roha mambaen anso malua, mangalehen pangajaranNia na godang jana marmulia.

JOHANNES 5:37

Jana Ama na marsuru Au pe madung dilehen Ia hasaksian taringot tu Au. Anggo hamu nada unjung dope umbege sora ni Ama i, sanga marnida bohiNia.

HALUMBAAN 14:2

Jadi hubege ma sada sora na mardorom sian langit songon sora ni sampuran na godang dohot songon sora ni ronggur na godang na matuoror. Habegean ma sora i songon sora ni musik sian angka parhasapi na topet mamiltik hasapina.

JOHANNES 5:20

Angke na holong do roha ni Ama i mida Anak i. Dipatidahon Ia muse do sasude na nibaenNia sandiri tu AnakNia i, dohot angka pambaenan na gumodang, patidahononNia dope tu AnakNia i anso longang hamu.

1 JOHANNES 5:9

Tahaporsayai do hasaksian ni jolma, tapi gumogo dope hasaksian ni Debata. Jana on ma hasaksian na dung dilehen Debata taringot tu AnakNia i.

HAMALIMON 15:15

Pasahaton ni malim i ma sada sian unggas i gabe haul hasesaan ni dosa, na asing i gabe haul situtungon. Songon i ma pangalahona patuluskon paiaskon diri mangihutkon ugamo di halak na songon i.