MATEUS 28:7 - BIBEL JAMITA NA DENGGAN

⁷ Ompoti hamu ma saonnari kehe paboahon tu angka anak siseanNia. ‘Madung mulak mangolu Ia mangulahi. Dijoloi Ia ma hamu tu Galilea. Disi ma Ia idaonmunu!’ Ingot hamu ma na hudok on tu hamu.”

MATEUS 28:7 Referans Kwoze

MATEUS 26:32

Tapi dung dipangolu Au mangulahi, parjolo ma Au kehe tu Galilea ulang hamu.”

MATEUS 28:10

Jadi didok Jesus ma tu halahi, “Ulang hamu mabiar, kehe ma hamu, baritahon hamu ma i tu angka kahanggingKu anso kehe halahi tu Galilea, disi ma diida halahi Au.”

JOHANNES 16:4

Tapi madung Hupaboa hian i saonnari tu hamu anso diingot hamu i saulahon muda dung dibaen halahi tu hamu na songon i, madung Hupaboa hian do i tu hamu.” “Anggo sian mulana nada pola Hupaboa hian i tu hamu, angke rap dope Au dohot hamu.

1 KORINTUS 15:4

Madung ditanom Ia, jana mangulahi Ia dipangolu di ari patoluhon. I pe na dung tarsurat hian do i di Buku Na Badia i.

JOHANNES 14:29

Jolo Hupaboa hian do i sudena tu hamu dompak so tarjadi dope, anso porsaya hamu muda dung tarjadi i muse.

LUKAS 24:34

Didok angka sisean i ma, “Tutu do na dung mulak mangolu Tuhanta i! Madung dipataridahon Ia diriNia tu si Simon!”

MARKUS 16:13

Jadi mulak ma halahi laho paboahon i tu angka na asing i. Tapi halahi pe laing inda ra porsaya.

MARKUS 16:10

Jadi kehe ma si Maria Magdalena paboahon tu angka ale-ale ni Jesus. Topet ma hatiha tangis halahi marsak. Tapi dung salpu i, Jesus sandiri do marsuru angka siseanNia i, anso kehe halahi sian Habincaran tu Hasundutan paboahon barita na badia jana na manongtong i salaho tu haluaan na so ra mantak i.]

MARKUS 14:28

Tapi dung dipangolu mangulahi, kehe ma Au tu Galilea manjoloani hamu.”

MATEUS 24:25

Hara ni i, ingot hamu ma i! Madung jolo Hupaboa hian i tu hamu, taran so tarjadi dope.

JESAYA 45:21

Paboa jana patuduhon ma sidalianmu, olo, padiar ma halahi rap martahi, Ise dehe na paboahon sian na robi, jana mambaritahonsa? Nada he Au, Tuhan? Nada adong na asing, nada adong Debata asing sian Au! Debata na tigor jana Sipalua, nada adong asing sian Au!”

JESAYA 44:8

Ulang enek rohamu, ale bangsongKu; diboto ho do sian nahinan lalu tu saonnari, madung maralatan hian Au sanga aha na giot tarjadi; hamu ma na gabe saksingKu. Adong ma he Debata asing sian Au? Nada adong Dolok Batu na asing, na Hutanda!”

1 KORINTUS 15:6

Dung i dipatidahon Ia muse dope Ia tu lobi lima ratus halak di sada hatiha. Bahatan na mangolu dope halahi saonnari, hum deba dope na jumolo.

MATEUS 28:8

Diompoti dadaboru i ma maninggalkon kuburan i. Mabiar marcampur jop ni roha, dilojongi halahi ma laho paboahon pangalaho i tu angka anak sisean ni Jesus.