MATEUS 28:15 - BIBEL JAMITA NA DENGGAN

¹⁵ Jadi dijagit tentara i ma hepeng i, dibaen halahi ma songon na nidok ni angka Sintua Ni Malim i dohot hatobangon ni halak Jahudi i. Lopus tu sadari on sar ma barita i di tonga-tonga ni halak Jahudi.

MATEUS 28:15 Referans Kwoze

MATEUS 27:8

I ma umbaen na margoar tano i lopus tu sadari on “Tano Mudar”.

1 TIMOTEUS 6:10

Angke sian holong ni roha tu hepeng do haroroan ni sude ragam ni hajahatan. Adong do deba halak na sai mangkojar hepeng jana na so mangihut be tu ajaran ni Kristen, lopus gabe didondoni pardangolan halahi, mambaen gabe marsak roha ni halahi.

MATEUS 26:15

Didok ia ma tu halahi, “Aha ma lehenonmunu di au muda hupasahat Jesus tu hamu?” Dung i dietong halahi ma tolu pulu hepeng perak. Dilehenkon halahi ma hepeng i tusia.

MATEUS 9:31

Tapi kehe ma halahi paboa-boahon taringot tu Jesus di na saluat i.

MARKUS 1:45

Jadi kehe ma bayo i. Tapi dipupu ia ma na paboa-boahon barita i tu jae tu julu, gabe nada tarbaen Jesus be torang masuk tu kota i. Di balian noma Ia di inganan na lungun-lungun i. Tapi haru songon i pe, laing marroan do halak mandapotkon Ia sanga na sian dia i.