MATEUS 27:63 - BIBEL JAMITA NA DENGGAN

⁶³ Didok halahi ma, “On dope anso hami ingot tuan, taran mangolu pargabus i unjung do didok Ia songon on, ‘Dung tolu ari, mulak mangolu ma Au mangulahi.’

MATEUS 27:63 Referans Kwoze

LUKAS 9:22

Anggo Anak Ni Jolma i, tutu do Ia angkon markancit jana dialo angka pamimpin dohot angka sintua ni malim, songon i angka Siboto Surat Jahudi. Dibunu ma Ia, tapi mulak mangolu do Ia di ari patoluhon.”

MATEUS 16:21

Mamungka sian i marsitangkas ma Jesus paboahon tu angka anak siseanNia i. Angkon kehe Ia tu Jerusalem jana angkon parkancitan ni angka pamimpin dohot angka Sintua Ni Malim dohot Siboto Surat Jahudi ma Ia disi. Angkon bunuon Ia, tapi mulak mangolu ma Ia di ari patoluhon!

JOHANNES 2:19

Ninna Jesus ma mangalusi, “Rumpakkon hamu ma Bagas Ni Debata on, anso Hupajongjong mangulahi di bagasan tolu ari.”

LUKAS 18:33

Loncingan ni halahi ma Ia jana bunuonna; tapi di ari patoluhon, mulak mangolu ma Ia mangulahi.”

MARKUS 10:34

Incahan ni halahi ma Ia, tijuranna, loncinganna baru ma dibunu. Tapi dung tolu ari, mulak mangolu ma Ia mangulahi.”

MARKUS 8:31

Dung i dipungka Jesus ma mangajarkon tu angka anak siseanNia paboahon angkon bahat parkancitan taonon ni Anak Ni Jolma i. Dialo angka pamimpin dohot angka sintua ni malim dohot angka Siboto Surat i ma Ia. Bunuon ni halahi ma Ia, tapi dung tolu ari, mulak mangolu ma Ia mangulahi.

MATEUS 20:19

dung i pasahaton ni halahi ma Ia tu halak na asing, na so bangso Jahudi. Palayason ni halahi ma Ia, diparkanciti dung i parsilangkonon ni halahi ma Ia. Tapi dipangolu do Ia mangulahi di ari patoluhon.”

MATEUS 17:23

Bunuon ni halahi ma Ia, tapi mulak mangolu do Ia di ari patoluhon.” Gabe marsak sajo ma angka siseanNia i.

MATEUS 26:61

Didok halahi ma, “Didok bayo on do, ‘Tarumpakkon Au do Bagas Ni Debata, tapi di bagasan tolu ari tar pajongjong Au mangulahi.’ ”

2 KORINTUS 6:8

Diparsangapi halak do hami, tapi laing adong do na palayas-layaskon; dipuji do hami tapi laing adong na pabilehon. Haru tigor pe hami, laing didok do hami pargabus.

JOHANNES 7:12

Bahat ma hata-hata ni jolma na bahat i taringot tuSia. Adong na mandok, “Na burju do Ia.” Adong muse na mandok, “Nada, na paliluhon halak na bahat do Ia.”

LUKAS 23:2

Dipungka halahi ma disi mangaduhon Ia. Didok halahi ma, “Madung tardapot hami bayo on palilu-liluhon halak. Jana diirangi-irangi Ia do halak anso ulang manggarar pajak tu Kesar; harana pandokNia, Kristus do Ia, sada halak Raja.”

JOHANNES 7:47

“Adong he na dung tarpaoto-oto muse dohot hamu?” ninna halak Parise i.

MATEUS 27:64

Jadi hara ni i, suru ma halak manjago kuburan i tangkas lalu tu ari patoluhon. Anggo inda songon i, ro ma angka anak siseanNia i manangkosa gabe dohonon ni halahi ma tu halak, ‘Ma mulak mangolu Ia mangulahi.’ Gabe gumodang dope gabus na parpudi on sian na parjolo.”

MATEUS 28:6

Nada dison be Ia. Madung ngot Ia songon na nidokNia hian tu hamu. Ligi hamu ma inganan hapayahanNa.

MARKUS 9:31

hara ni na mangajari anak siseanNia do Ia, jana didok Ia ma tu halahi, “Anggo Anak Ni Jolma i angkon pasahaton ma tu kuaso ni jolma. Bunuon ni halahi ma Ia, tapi mulak mangolu ma Ia dung tolu ari muse!”

LUKAS 18:31

Dioban Jesus ma siseanNia sidua bolas halak i sajo, jana didok Ia ma tu halahi, “Saonnari manangkok ma hita tu Jerusalem, jana tarjadi ma sudena na nisuratkon ni angka panurirang taringot tu Anak Ni Jolma i.