MATEUS 27:60 - BIBEL JAMITA NA DENGGAN

⁶⁰ Dipayakkon si Josep ma bangke ni Jesus i di bagasan kuburan, ia puna sandiri. Na baru dituhil dope i, i ma di sada dolok batu. Digulang ia ma sada batu na godang tu baba ni kuburan i, kehe ma ia.

MATEUS 27:60 Referans Kwoze

JESAYA 53:9

Dikubur do ia rap dohot halak na jahat, jana ditanom di tonga-tonga ni halak na maradong, harupe na so jungada ia mangasahon gogo, jana nada adong sipaoto-oto di angka hatania.”

MATEUS 28:2

Jadi tompu ma masa lalo na gogo. Na mijur do sada surusuruan sian banua ginjang manggulang batu panutup ni tanoman i. Dung i juguk ma ia diginjang batu i.

MATEUS 27:66

Jadi kehe ma halahi tu kuburan i. Disegel halahi ma batu panutupna i. Dung i disuru halahi ma angka tentara na manjagoi disi.

JOHANNES 20:1

Andostorang ni Ari Mingguna i kehe ma si Maria Magdalena tu kuburan i. Diida ia ma madung digulang batu panutup ni tanoman i sian baba ni kuburan i.

LUKAS 24:2

Didapot halahi ma di kuburan i madung magulang batu panutup ni kuburan i.

PAMUNGKAAN 50:5

‘Di na marayak marujung ngolu ni amanta hami, disuru ia do anso hujanjihon tusia mandok angkon dikuburkon ia di bagasan kuburan na dung sidung diparade ia di tano Kanaan. Jadi hara ni i, na mangido isin ma au di raja i anso kehe au jolo manguburkon damang i. Dung sidung, manigor mulak pe au.’ ”

JESAYA 22:16

“Ise ma he ho didok rohamu lakna? Aha hakmu manuhil kuburan di ho di dolok batu i?

MATEUS 27:59

Dung i dibuat si Josep ma bangke i. Dibalut ia ma dohot kopen na nibaen sian abit linen na ias.

JOHANNES 11:38

Di bagasan arsak dohot ibo ni roha, kehe ma Jesus tu kuburan i. Songon liang na ditutup dohot batu na godang do kuburan i.

JOHANNES 11:41

Dung i dipaorot halahi ma batu i. Jadi manatap ma Jesus tu langit jana didok Ia ma, “Tarimakasi ma Hudok tu Ho Amang hara ni na nitangihonMu pangidoanKu.

JOHANNES 19:41

Adong do di lambung inganan ni hayu panyilangan ni Jesus i sada kobun. Adong do sada kuburan na imbaru na so jungada dope marpake gabe pananoman ni halak.