MATEUS 27:59 - BIBEL JAMITA NA DENGGAN

⁵⁹ Dung i dibuat si Josep ma bangke i. Dibalut ia ma dohot kopen na nibaen sian abit linen na ias.

MATEUS 27:59 Referans Kwoze

JESAYA 25:7

BuatonNia sian halahi di ginjang ni dolok i ombun hamarsahan na mambalut angka bangso.

MATEUS 27:58

Didapotkon ia ma si Latus mangido bangke ni Jesus i. Gabe diparentahon si Latus ma anso dipasahat tusia bangke ni Jesus i.

MATEUS 27:60

Dipayakkon si Josep ma bangke ni Jesus i di bagasan kuburan, ia puna sandiri. Na baru dituhil dope i, i ma di sada dolok batu. Digulang ia ma sada batu na godang tu baba ni kuburan i, kehe ma ia.

MARKUS 15:46

Dung i ditobusi si Josep ma kopenna linen na halus. Dung dipaijur ia bangke ni Jesus i dibalut ia ma dohot kopen nangkinan i. Dung i dipamasuk ia ma bangke ni Jesus i tu bagasan sada kuburan na imbaru na nituhil di sada dolok batu. Dung i digulang ia ma sada batu na godang tu baba ni tanoman i, panutupna.

LUKAS 23:53

Dung i dipaijur ia ma bangke i sian hayu parsilang i jana dikopeni ia ma. Dung i ditaruhon ia ma bangke i tu bagasan kuburan na nituhil di sada dolok batu na so jungada dope dipake kuburan i.