MATEUS 27:41 - BIBEL JAMITA NA DENGGAN

⁴¹ Mangincahi ma tu Jesus sude angka Sintua Ni Malim dohot sude angka Siboto Surat ni Jahudi i dohot sude hatobangon ni halak Jahudi.

MATEUS 27:41 Referans Kwoze

MASMUR 35:26

Padiar ma talu jana so marhatontuan sanga ise halak na sonang mida sitaononku. Padiar ma angka na gakgak i tu au marbile jana maila.

LUKAS 23:35

Dibagi-bagi halahi be ma disi pakean ni Jesus, i ma markite-hite lotere. Marjongjongan do angka jolma i disi paida-ida sudena i, jana laing mangincak-incahi ma angka hatobangon ni halak Jahudi tu Jesus. Ninna halahi ma, “Anggo halak na asing madung dipalua Ia; padiar ma dipalua Ia diriNia sandiri, paboa na tutu situtu ma Ia Kristus na nitodo ni Debata i!”

LUKAS 22:52

Dung i mandok hata ma Jesus tu angka kapala ni malim i dohot tu angka panjago Bagas Ni Debata, dohot tu angka bagian hatobangon ni halak Jahudi na marroan tusi laho manangkup Ia, ning Ia ma, “Panyamun dehe lakna Au umbaen marpodang dohot marumban-umban hamu ro laho manangkup Au?

LUKAS 18:32

Pasahaton ma Ia tu angka halak na so mananda Debata, jana incahan ni halahi ma Ia, pabileonna jana tijurkononna.

ZAKARIA 11:8

Jadi huabiskon ma parmahan na tolu i di bagasan sabulan, harana goyak do rohangku tu angka biri-biri i jana halahi pe goyak do rohana tu au.

JESAYA 49:7

Maradopkon halak na tarlobi dipalayas, jana na nihagigihon ni angka bangso, boti na gabe naposo ni angka parkuaso, didok Debata Sipalua ni Israel: “Idaon ni angka raja ma pambaenanKu; jongjong ma halahi mamparsangapi Au. Laing idaon ni angka parkuaso muse ma i, lalu marsinggang ma marsomba halahi.” Tarjadi ma sudena i hara ni Tuhan na setia, Debata Na Badia ni Israel madung manodo naposoNa.

JESAYA 28:22

Madung hubege haputusan ni Tuhan Debata Na Markuaso i laho mangago sandok luat. Ulang nayang rohamunu di angka hata na hupalalu on. Mur tu maolna lalu di hamu palua diri!

JOB 13:9

Muda dipareso Debata ho, denggan ma ulaning dapotna? Tarpaoto hamu ma he Ia songon na manggabusi jolma?

MATEUS 27:40

Ninna halahi ma, “Heh! Ho ma na giot mangarumpakkon Bagas Ni Debata, giot pajongjongonMu ma i di bagasan tolu ari! Muda na tutu ma Ho Anak Ni Debata, antong palua ma diriMu sandiri! Mijur ma Ho sian silang i!”

MATEUS 27:42

“Halak na asing dipaluasa hape Ia sandiri so tarpaluasa! Raja Ni Israel ma Ia ning Ia, anggo mijur ma Ia saonnari sian silang i. Anso porsaya hami diSia.