MATEUS 27:31 - BIBEL JAMITA NA DENGGAN

³¹ Dung sidung halahi na palayas-layaskon i, dibuka halahi ma mangulahi baju juba i. Dibaen halahi ma mangulahi bajuNia i hian. Dung i dioban halahi ma Ia tu balian anso niparsilangkon.

MATEUS 27:31 Referans Kwoze

JESAYA 53:7

Kejam do dibaen tusia, tapi sip sajo do ia manaonsa, songon anak ni biri-biri na nioban tu panyambolan, jana songon induk ni biri-biri na maoto hohom maradopkon halak na manggusting imbuluna.

IBRANI 13:12

Hara ni i ma umbaen na di ruar ni horbangan ni kota Jesus mate laho paiaskon bangsoNa sian dosa markite-hite mudarNia i sandiri.

BAENON NI ANGKA RASUL 7:58

Disarat halahi ma ia tu balian ni kota i, jana didangguri dohot batu. Dipatiopkon halak na manyaksihon i ma pakean ni halahi tu sada doli-doli na margoar si Saulus.

MATEUS 21:39

Ditangkup halahi ma anak ni partano na bidang i, disarat halahi ma tu duru ni kobun i, dibunu halahi ma disi.”

1 RAJA-RAJA 21:13

Juguk ma dua halak na jahat adop si Nabot, jana dituhas halahi na dua ma si Nabot di jolo ni halak na bahat i na dung mamurai Debata dohot raja. Jadi hara ni i ma dalanna dioban ia tu balian ni kota lalu didangguri dohot batu lopus mate.

1 RAJA-RAJA 21:10

Suru hamu ma dua halak na jahat juguk di jolonia jana ditudu ma ia na mamurai Debata dohot raja. Dung i oban hamu ma ia tu balian ni kota jana nidangguran ma ia dohot batu lopus mate.”

JOHANNES 19:27

Dung i didok Jesus ma tu siseanNia i, “Ligi ma, inangmu do indon!” Mamungka sian i dioban sisean i ma inang ni Jesus tinggal di bagasnia sandiri.

JOHANNES 19:16

Dung i dipasahat si Latus ma Jesus tu halahi anso dipakuhon tu hayu parsilang i. Dijagit halahi ma Jesus jana dioban halahi.

MATEUS 20:19

dung i pasahaton ni halahi ma Ia tu halak na asing, na so bangso Jahudi. Palayason ni halahi ma Ia, diparkanciti dung i parsilangkonon ni halahi ma Ia. Tapi dipangolu do Ia mangulahi di ari patoluhon.”

BILANGAN 15:35

Didok Tuhan ma tu si Musa, “Angkon mate uhumon do bayo i, nioban ma ia tu balian ni parbandaran i.”

MATEUS 26:2

“Diboto hamu do, dua ari nari dapot ma Pesta Paskah. Pasahaton ma Anak Ni Jolma i anso diparsilangkon!”

MARKUS 15:20

Dung sidung diincahi halahi Jesus, dibuka halahi ma juba na ungu i dibaen halahi ma mangulahi bajuNia humani. Dioban ma Ia tu balian anso diparsilangkon.