MATEUS 27:26 - BIBEL JAMITA NA DENGGAN

²⁶ Gabe dipalua si Latus ma si Barabbas di halahi. Dipaloncingkon ia ma Jesus, dipasahat ia ma anso niparsilangkon!

MATEUS 27:26 Referans Kwoze

JESAYA 53:5

Hara ni angka dosanta, do ia mabugangi, jana hara ni hajahatanta ia dibalbali. Hona uhum ia anso malua hita, hara ni angka gasania gabe malum hita.

JOHANNES 19:1

Dung i ditogu si Latus ma Jesus, jana diloncingi ma Ia.

MARKUS 15:15

Gabe dipalua si Latus ma si Barabbas di halahi laho pasonangkon roha ni halahi. Dung i disuru ia ma halak mangaloncing Jesus, dipasahat ia ma anso diparsilangkon.

LUKAS 23:16

Hara ni i huajar ma jolo Ia, dung i baru hupalua.” [

JESAYA 50:6

Hulehen do tanggurungku tu halak na mambalbali au, jana bohingku tu halak na mangumpat janggutku. Nada hutabunihon bohingku hatiha dipalayas sanga ditijuri au.

1 PETRUS 2:24

Kristus sandiri do mamorsan angka dosanta i di pamatangNia sandiri di ginjang ni hayu parsilang i, anso tola hita malua sian kuaso ni dosa jana tola hita mangihutkon hagiot ni Debata. Angke bugang ni Kristus i do na paluahon hamu.

MARKUS 10:34

Incahan ni halahi ma Ia, tijuranna, loncinganna baru ma dibunu. Tapi dung tolu ari, mulak mangolu ma Ia mangulahi.”

MATEUS 20:19

dung i pasahaton ni halahi ma Ia tu halak na asing, na so bangso Jahudi. Palayason ni halahi ma Ia, diparkanciti dung i parsilangkonon ni halahi ma Ia. Tapi dipangolu do Ia mangulahi di ari patoluhon.”

JOHANNES 19:16

Dung i dipasahat si Latus ma Jesus tu halahi anso dipakuhon tu hayu parsilang i. Dijagit halahi ma Jesus jana dioban halahi.