MATEUS 27:22 - BIBEL JAMITA NA DENGGAN

²² “Antong, aha ma baenonku tu Jesus na margoar Kristus i?” ninna si Latus manyapai halahi. “Parsilangkon ma i!” ninna halahi mangalusi.

MATEUS 27:22 Referans Kwoze

BAENON NI ANGKA RASUL 13:38

Antong patut ma botoonmunu, ale angka dongan, markite-hite Jesus do dijamitahon di hamu hasesaan ni dosa,

JESAYA 49:7

Maradopkon halak na tarlobi dipalayas, jana na nihagigihon ni angka bangso, boti na gabe naposo ni angka parkuaso, didok Debata Sipalua ni Israel: “Idaon ni angka raja ma pambaenanKu; jongjong ma halahi mamparsangapi Au. Laing idaon ni angka parkuaso muse ma i, lalu marsinggang ma marsomba halahi.” Tarjadi ma sudena i hara ni Tuhan na setia, Debata Na Badia ni Israel madung manodo naposoNa.

MARKUS 14:55

Sude angka sintua ni malim dohot angka parrapot godang i, sude ma manggogo be laho padapotkon hasalaan ni Jesus anso bisa didabuhon halahi uhuman mamatehon Ia. Hape inda adong bagi aha dapot halahi.

MATEUS 27:17

Jadi hatiha marlagut sude halak na bahat i, disapai si Latus ma halahi, “Ise do dipangido rohamunu paluaonku di hamu? Si Barabbas do sanga Jesus na nigoaran Kristus?”

MATEUS 1:16

si Josep halaklahi ni si Maria, na manubuhon Jesus, na nigoaran muse Kristus.

ZAKARIA 11:8

Jadi huabiskon ma parmahan na tolu i di bagasan sabulan, harana goyak do rohangku tu angka biri-biri i jana halahi pe goyak do rohana tu au.

JOB 31:31

Diboto angka halak na markarejo tu au do, hutamu do di bagasku sanga ise sajo.

MATEUS 27:21

Dung i disapai gubernur i ma mangulahi halahi, “Ise ma sian na dua halak i paluaonku di hamu?” “Si Barabbas,” ninna halahi mangalusi.

MATEUS 27:23

“Aha ma hajahatanNia?” ning si Latus. Tapi mur gogo ma halahi marsurak, “Parsilangkon i!”

JOHANNES 4:25

Didok anak boru i ma tu Jesus, “Huboto do na giot ro humani Mesias i (i ma na margoar Kristus). Jadi muda ro Ia, paboaonNia ma sasudena tu hita.”

BAENON NI ANGKA RASUL 13:28

Haru pe so adong dapot halahi sanga aha na patut mambaen hona bunu Ia, hape laing digogohon halahi do tu si Latus anso laing dibunu Ia.