MATEUS 26:67 - BIBEL JAMITA NA DENGGAN

⁶⁷ Dung i ditijuri halahi ma bohi ni Jesus, dibalbali ma Ia. Adong muse ma na manampeleng Ia,

MATEUS 26:67 Referans Kwoze

JESAYA 50:6

Hulehen do tanggurungku tu halak na mambalbali au, jana bohingku tu halak na mangumpat janggutku. Nada hutabunihon bohingku hatiha dipalayas sanga ditijuri au.

JESAYA 53:3

Dipasiding halak ia jana dipalayas, halak na somal marhancit do ia jana na mardangol, na layas sajo do ia, lopus ditutup halak bohina maradopkon ia, jana di hita pe nada masuk etongan ia.

JOHANNES 18:22

Dung didokkon Jesus songon i, ro ma sada halak panjago i manampeleng Ia didok ma tuSia, “Na puluk ma Ho mangkatai songon i tu Malim Godang i!”

MATEUS 27:30

Dung i ditijuri halahi ma Ia, dibuat ma tungkot i sian tanganNia dilipatkon halahi ma tu uluNia.

MARKUS 14:65

Jadi adong ma deba na mamungka manijuri Jesus. Adong muse ma na manutup mataNia, dung i dibalbali ma Ia. Didok ma tuSia, “Cubo ma jolo paboa sanga ise na mamukul Ho?” Angka pangawal i pe dohot do mambalbali Jesus.

MATEUS 5:39

Tapi saonnari Au mandok di hamu: Ulang ma alo hamu halak na mambaen na so denggan tu hamu. Tapi sabalikna do! Muda ditampeleng halak hurummu siamun, laing tarehon ma ditampeleng ia hurummu siambirang i.

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.

JOHANNES 19:3

lalu marroan ma halahi tu joloNia ninna halahi ma, “Horas ma di Raja i, Raja Ni halak Jahudi!” Dung i ditampeleng halahi ma Ia.

MARKUS 15:19

Dilibaskon halahi ma bulu tu ulu ni Jesus, ditijuri halahi ma Ia. Dung i marsomba ma halahi di joloNia.

ANDUNG 3:30

Haru pe dibalbal dohot hona hata, laing hita jagit ma da i sasudena.

JESAYA 52:14

Tarsonggot ma jolma na bahat marnidasa, jatjat rupana, songon na so Anak Ni Jolma do ia ligion.

1 KORINTUS 4:13

muda dipalayas-layas halak hami lambok do hatanami mangalusi i. Nada tuk hami songon rompak-rompak ni portibi on; lopus tu hatiha on, laing dietong do hami songon na hodar ni portibi on.

MARKUS 10:34

Incahan ni halahi ma Ia, tijuranna, loncinganna baru ma dibunu. Tapi dung tolu ari, mulak mangolu ma Ia mangulahi.”

MIKA 5:1

Tapi anggo ho, ale Betlehem Efrata, ho ma sada kota na ummenek di Juda! Hape sian ho ma giot pabangkitonKu sada halak na markuaso di Israel na marasal mula sian narobi.

ANDUNG 3:45

Dibaen Ho do hami songon rompak-rompak di mata ni sude portibi on.

JEREMIA 20:2

diparentahon ia ma anso dipotuk au jana dibayangkon di Pintu Horbangan Benyamin, horbangan parginjang di Bagas Ni Tuhan.

1 RAJA-RAJA 22:24

Jadi ro ma tu jolo si Zedekia anak ni si Kenaana mandonohi Panurirang Mika dipastap ia ma bohina i jana didok ia ma, “Mamungka sadihari lakna ditadingkon Tondi Ni Tuhan au laho mandok hata tu ho?”

PANGARATAION 25:9

angkon padonohon ni tading-tadingan ni angkangnia ma tusia di jolo ni angka hatobangon ni kota i, sintahonna ma sada sandal ni bayo i, tijuranna bohina i jana dokkononna ma, ‘On ma sitaonon ni jolma na so ra mangalehen pomparan di kahanggina.’

BILANGAN 12:14

Dialusi Tuhan i ma, “Sugari ma ditijuri amangnia bohinia, manaon layas ma ia di bagasan pitu ari. Antong padao ma ia sian parbandaran i pitu ari honokna, dung i pe anso tola ia masuk mangulahi.”

MATEUS 26:68

jana mandok tuSia, “Cubo ma jolo paboa tu hami, ale Kristus! Ise ma na manampeleng Ho i?”