MATEUS 26:63 - BIBEL JAMITA NA DENGGAN

⁶³ Tapi sip sajo do Jesus. Dung i diulahi Malim Godang i ma mandok hata tuSia, “Saonnari mangasahon Debata na mangolu i hupangido tu Ho sumpahon ma tu hami, tutu do Ho Anak Ni Debata Kristus i?”

MATEUS 26:63 Referans Kwoze

HAMALIMON 5:1

Sada-sada halak madung tontu marsala jana angkon tanggungonnia sandiri hara ni karejonia, muda dipangido hatorangan na tangkas di jolo ni pangadilan, hape nada ra ia patorangkon taringot tu angka na niida dohot na nibegenia.

MATEUS 16:16

Mangalusi ma si Simon Petrus, “Ho ma ibana Kristus, Anak Ni Debata Na Mangolu i.”

JESAYA 53:7

Kejam do dibaen tusia, tapi sip sajo do ia manaonsa, songon anak ni biri-biri na nioban tu panyambolan, jana songon induk ni biri-biri na maoto hohom maradopkon halak na manggusting imbuluna.

MATEUS 27:12

Tapi anggo di na pajojor pangaduan i angka Sintua Ni Malim dohot angka hatobangon ni halak Jahudi i taringot tu Jesus, sangkababa hata pe nada adong dialusi Jesus.

1 SAMUEL 14:26

tapi sahalak pe nada adong na mangankon bagi na aha sian aer loba i, hara ni biarna hona bura ni si Saul.

JOHANNES 20:31

Umbaen na nisurat pe sudena na tarsurat di bagasan buku on, anso porsaya do hamu bahaso Jesus do Kristus i, i ma Anak Ni Debata; jana anso dapotan hangoluan hamu markite-hite haporsayaan di goarNia.

JOHANNES 19:9

Masuk ma ia mangulahi tu bagasan inganan i, disapai ia ma tu Jesus, “Sian dia dehe asalMu?” Tapi nada dialusi Jesus bagi aha.

JOHANNES 19:7

Dialusi halak Jahudi i ma, “Mangihutkon tona na adong di hami simatehononkon do i, angke dioku Ia diriNia Anak Ni Debata.”

JOHANNES 18:37

Dung i marsapa ma si Latus tuSia, “Antong anggo songon i, tutu do Ho raja?” Dialusi Jesus ma, “Tutu do Au raja, songon na nidokmi. Sorang pe Au jana ro tu portibi on hum na sada on sajo do maksudna, i ma laho manyaksihon hasintongan. Jana sanga ise na marasal sian hasintongan i dijagit ia do Au.”

JOHANNES 10:36

biasi didok hamu na mangincahi Debata hara ni na Hudok Au Anak Ni Debata? Hape nian na diparbadiai ni Ama i do Au jana na nisuruNia tu portibi on?

JOHANNES 10:30

Sada do Au dohot Damang.”

JOHANNES 10:24

dirongomi angka parkuaso ni halak Jahudi ma Jesus disi. Ninna halahi ma tuSia, “Sadia honok nari sai pagangguon ni Guru i rohanami? Tangkas ma didokkon Guru i muda na Ho do Kristus i.”

JOHANNES 8:25

“Ise do Ho satutuna?” ninna halahi manyapai. Dialusi Jesus ma, “Aha dope gunana mangkobari Au dohot hamu!

JOHANNES 6:69

Porsaya do hami jana marpos ni roha, Ho do Na Badia na ro sian Debata.”

JOHANNES 1:49

Didok si Natanael ma, “Rabbi, Anak Ni Debata do Ho! Ho do Raja ni halak Israel!”

JOHANNES 1:34

Jadi madung tangkas huida Ia jana madung husaksihon, ‘On ma Anak Ni Debata’.”

MARKUS 14:61

Sip sajo Jesus. Sandok inda dialusi Ia. Dung i disapai Malim Godang i ma tuSia sanoli nari, “Tutu dehe Ho Kristus Anak Ni Na Tarpuji i?”

MATEUS 27:54

Mabiar ma komandan i rap dohot angka parajurit i na manjagoi Jesus dung diida halahi lalo i dohot sude na masa i. Didok halahi ma, “Tutu do Ia on Anak Ni Debata!”

MATEUS 27:43

Dihaposi Ia do Debata, antong i ma paluahon Ia nuaeng muda na jop do roha ni Debata tuSia! Angke didok Ia do: Anak Ni Debata do Au.”

MATEUS 27:40

Ninna halahi ma, “Heh! Ho ma na giot mangarumpakkon Bagas Ni Debata, giot pajongjongonMu ma i di bagasan tolu ari! Muda na tutu ma Ho Anak Ni Debata, antong palua ma diriMu sandiri! Mijur ma Ho sian silang i!”

MATEUS 27:14

Saotik pe nada dialusi Jesus. Gabe homang ma roha ni gubernur i mida Ia.

DANIEL 3:16

Jadi ro ma alus ni si Sadrakh, si Mesakh dohot si Abednego tu Raja Nebukadnesar: “Nada adong gunana alusannami ho anggo taringot tu nanidokkonmi.

PODA 29:24

Halak na manjagit parbagian sian panangko, na mangago dirina sandiri do i. Dibege ia pe bura, nada ra ia mangkobarkon. Tapi muda hohom sajo ia, hona ma uhuman ni Debata tusia.

2 JUJUR TAON 18:15

Dialusi si Ahab ma, “Muda mangasahon goar ni Tuhan ho antong mandok hata tu au, na tutu i ma da dokkon. Piga noli lakna jabat paingotonku ho taringot tusi?”

1 RAJA-RAJA 22:16

Dialusi si Ahab ma, “Muda mangasahon Tuhan do ho tu au mandok hata, na tutu i ma dokkon. Piga noli angkon dokkononku paingotkon ho salaho tusi?”

1 SAMUEL 14:28

Dung i adong ma sada halak tentara i na mandok tusia, “Anggo hami ma gale-gale hara ni malena. Hape diancam amanta hamu do hami dohot sumpa on, ‘Hona bura ma sanga ise na mangan di ari sadari on.’ ”

1 PETRUS 2:23

Di na hona incak Ia, nada mangincahi Ia mambaloskon. Dompak na niparkancitan i Ia, nada mangondam Ia; tapi dipasahat Ia do parkaroNia i tu Debata, Panguhum na tigor i.

1 SAMUEL 14:24

Di ari i, anggo halak Israel nada margogo be hara ni malena, angke madung disumpahon si Saul songon on, “Hona bura ma sanga ise na mangankon bagi aha di ari sadari on painte so palalu hosom au tu musungku.” Jadi hara ni i, umpe sahalak na mangan di na sadari i.

MASMUR 42:2

Malungun au di Ho, ale Debata na mangolu, andigan do tola au marsomba di BagasMu?

MATEUS 4:3

Ro ma Sibolis i didok ma tuSia, “Muda Anak Ni Debata do Ho, dokkon ma tu angka batu on anso gabe roti.”

MATEUS 26:62

Dung i jongjong ma Malim Godang i mandok hata tu Jesus, “Na so ra do Ho mangalusi sude na ni tuhaskon i tu Ho?”

2 KORINTUS 1:19

Harana anggo Jesus Kristus, Anak Ni Debata na nijamitahon ni si Silvanus, si Timoteus dohot au sandiri tu hamu nada halak na “Olo” sanga “Inda”. Hum alus na “Olo” sajo do diSia.